ඇමැතිවරයා වෘත්තීය සමිති නියෝජිතයන් සමඟ සාකච්ඡා කළ අයුරු
දුම්රිය රියැදුරන් විසින් දින හතරක් පුරා ක්‍රියාත්මක කළ වැඩවර්ජනය ප්‍රවාහන ඇමැති ආචාර්ය බන්දුල ගුණවර්ධන මහතා ඇතුළු අමාත්‍යාංශ නිලධාරීන් සමඟ පැවැති සාකච්ඡාවකින් අනතුරුව ඊයේ (10) දහවල් අවසන් කෙරිණි. මහජනතාව පීඩාවට පත් නොකර වර්ජනය අවසන් කර සේවයට වාර්තා කරන්නැයි දුම්රිය වෘත්තීය සමිති සමඟ ප්‍රවාහන හා මහාමාර්ග අමාත්‍යාංශයේදී ඊයේ (10) පැවැති සාකච්ඡාවේදී ඇමැති ආචාර්ය බන්දුල ගුණවර්ධන මහතා ඉල්ලීමක් කළේය.
එම ඉල්ලීම පිළිගෙන සාකච්ඡාවේදී ඇතිකරගත් එකඟතා ද මත අද (11) සිට සාමාන්‍ය පරිදි දුම්රිය ධාවනයට කටයුතු කරන බව ලොකෝමෝටිව් ඔපරේටින් ඉංජිනේරු සංගමය පැවැසීය.
මෙම හමුවේදී ඇමැතිවරයා මෙසේ ද කීවේය.
මීට වසර දෙකකට පමණ පෙර මම මේ අමාත්‍යාංශය බාර ගනිද්දී රටේ මහජන මතය වී තිබුණේ දුම්රිය සේවය පුද්ගලිකකරණය කළ යුතුයි, එය කිසිදා ගොඩනැඟිය නොහැකි බවයි. ඒ වැඩ වර්ජන ස්ට්‍රයික් නිසා ජනතාව පීඩාවට පත් වෙලා. ඒ නිසාම මම සෑමවිටම ඉල්ලා සිටියා වැඩ වර්ජනවලට නොගොස් සාකච්ජා මාර්ගයෙන් තම ගැටලු විසඳා ගන්නා ලෙස. දීර්ඝ කාලයක් තිස්සේ නොවිසඳුණු ප්‍රශ්නයක් මම කැබිනට් මණ්ඩලයට ගෙනිහිල්ලා උසස්වීම් ලබාදීම සඳහා 2024 මාර්තු මාසයේදී කැබිනට් අනුමැතිය ලබා ගැනීමට කටයුතු කළ බව අමාත්‍ය ආචාර්ය බන්දුල ගුණවර්ධන මහතා මෙහිදී පැවැසීය.
දුම්රිය රියැදුරන්ට උසස්වීම් ලබාදීමේ ක්‍රියා පටිපාටිය මේ වන විට සිදු වෙමින් පවතිනවා. තුන්වෙනි පන්තියෙන් දෙවැනි පන්තියට උසස්වීම් සඳහා දුම්රිය රියැදුරන් 83 දෙනෙකුගෙන් 75 දෙනෙකුගෙ ඉල්ලුම්පත් ලැබී ඇති අතර මේ වන විට ඉන් 70 දෙනෙකු සඳහා උසස් වීම් සඳහා ලිපි ලබාදීමට කටයුතු කර තිබෙනවා. ඉතිරි 13 දෙනා උසස්වීම් ලබාදීමට අදාළ නියමිත සුදුසුකම් සපුරා නොමැති බැවින් අදාළ ක්‍රමවේදය සපුරාගත් පසු ඒ අය සඳහා ද නියමිත ක්‍රියාපටිපාටිය අනුව ඉදිරියේදී උසස්වීම් ලබාදීමට කටයුතු කරනවා. තුන්වන පන්තියේ සිට දෙවන පන්තියට උසස් වීම් ලබාදීමේදී සුවිශේෂී කාර්ය සාධන යටතේ අවුරුදු පහක් සම්පූර්ණ කළ අයට උසස් වීම් ලබාදීමට කටයුතු කරනවා. ඒ සඳහා අවුරුදු පහ සම්පූර්ණ කිරීම පමණක්ම ප්‍රමාණවත් වන්නේ නැහැ. කාර්යක්ෂමතා කඩඉම, දෙපාර්තමේන්තුවේ පරීක්ෂණ සහ දමිළ භාෂා ප්‍රවීණතාවය ලබාගත යුතුයි. එමෙන්ම විනය පරීක්ෂණ ති‍ෙයන අය සඳහා ද උස්වීම් ලබා දෙන්නේ නැති බව මෙහිදී අතිරේක දුම්රිය සාමාන්‍යාධිකාරී (පරිපාලන) කුසලානි ද සිල්වා මහත්මිය පැවැසුවාය.
එබැවින් පොදු මහජනතාව පීඩාවට පත් නොකර වර්ජනය අවසන් කර රාජකාරී සඳහා වාර්තා කරන ලෙස දැන් වූ අමාත්‍ය ආචාර්ය බන්දුල ගුණවර්ධන මහතා වෘත්තීය සමිති ක්‍රියාවන්ට නොගිහින් සෑම විටම තම ප්‍රශ්න සාකච්ඡා මාර්ගයෙන්ම විසඳා ගැනීමට කටයුතු කරන ලෙස ද වෘත්තීය සමිති නියෝජිතයින්ගෙන් මෙහිදී ඉල්ලා සිටියේය.
මෙම අවස්ථාවට ප්‍රවාහන හා මහාමාර්ග අමාත්‍යාංශයේ ලේකම් ඉංජිනේරු රංජිත් රූබසිංහ, අතිරේක ලේකම් එල්.එස්. තිලකරත්න, වැඩ බලන දුම්රිය සාමාන්‍යාධිකාරී එස්. එස්. මුදලිගේ මහත්වරුන්, දුම්රිය සාමාන්‍යාධිකාරිවරුන්, නියෝජ්‍ය සාමාන්‍යාධිකාරිවරුන් හා දුම්රිය වෘත්තීය සමිති නියෝජිතයෝ එක්වූහ.
දුම්රිය අතිරේක සාමාන්‍යාධිකාරී (පරිපාලන) කුසලානි ද සිල්වා මහත්මිය අදහස් දක්වමින්
