ස්වාධීන රූපවාහිනියේ සවනක් රැස් පොසොන් පෝදා සිතුල්පව්වේ

පොසොන් පුරපසළොස්වක පොහොය වෙනුවෙන් ස්වාධීන රූපවාහිනිය විකාශය කරන සවනක් රැස් පෝදා වැඩසටහන මෙවර ඓතිහාසික සිතුල්පව්ව රාජමහා විහාරස්ථානය කේන්ද්‍ර කර ගනිමින් පැවැත්වේ. ඒ අනුව මේ 21 වැනිදා දවස පුරා එම විහාරස්ථානයේදී විවිධ පින්කම් රැසක් පැවැත්වීමට කටයුතු යොදා තිබේ. ස්වාධීන රූපවාහිනි සේවයේ සභාපති ජ්‍යෙෂ්ඨ නීතිඥ සුදර්ශන ගුණවර්ධන මහතා පැවසුවේ එම සේවයේ 41 වැනි සංවත්සරය වෙනුවෙන් සංවිධානය කරන සර්වරාත්‍රික පරිත්‍රාණ ධර්ම දේශනාවද ඉකුත්දා (05) එම විහාරස්ථානයේ පැවැත්වූ බවයි.