SDTI Campus 2024 ජනාධිපති සම්මාන උලෙළේ දී ජාතික විශිෂ්ටතා ජනාධිපති සම්මානයෙන් පිදුම් ලැබීය. සම්මාන උ‌ලෙළ කොළඹ ෂැංග්‍රිලා හෝටලයේ දී උත්කර්ෂවත් ලෙස පැවැත්විණි. SDTI Campus නිර්මාතෘ කීර්ති ශ්‍රී දේශමාන්‍ය, කීර්ති ශ්‍රී දේශබන්දු, ආචාර්ය ශාන්ත බණ්ඩාර මහතාගේ මඟපෙන්වීම මත සාර්ථකත්වයට පත් ආයතනයෙහි විශිෂ්ට ව්‍යවසායකත්ව හැකියාව සහ අධ්‍යාපන සංකල්ප මෙහි දී ඇගැයීමට ලක්කෙරිණි.
දකුණු ආසියාවේ හොඳම විශ්වවිද්‍යාලයක් ලෙස සම්මානයට පාත්‍ර වී ඇති SDTI Campus ISO 9001:2015 අන්තර්ජාතික තත්ත්ව සහතිකය ද හිමි කර ගෙන ඇත.
SDTI Campus, අධ්‍යාපන අමාත්‍යාංශයේ නිපුණතා සංවර්ධන අරමුදල සමඟ ඩිප්ලෝමා පාඨමාලා මෙහෙයවන අතර විශ්වවිද්‍යාල ප්‍රතිපාදන කොමිෂන් සභාවේ පිළිගැනීම සහිත උපාධි පාඨමාලා රැසක් පිරිනමයි. මෙම හවුල්කාරීත්වය තුළින් SDTI Campus ශ්‍රී ලංකාව පුරා විසිරී සිටින ග්‍රාමීය හා නාගරික තරුණ තරුණියන්ට මෙන්ම කුසලතා සපිරි ආසියානු කලාපයේ තරුණ තරුණියන්ට ද රැකියා වෙළෙඳපොළ තුළ ඉහළ ඉල්ලුමක් ඇති ක්ෂේත්‍රවල අධ්‍යාපන අවස්ථා දැරිය හැකි මිලකට සපයයි. එසේම SDTI Campus ශ්‍රී ලංකාව පුරා විසිරී ඇති ශාඛා ජාලයක් සමඟ සහ දුරස්ථ අධ්‍යාපනය ඔස්සේ උසස් අධ්‍යාපන හා වෘත්තීය සිහින සැබෑ කිරීම වෙනුවෙන් කැප වන දැයේ ගෞරවාන්විත සරසවියකි.
SDTI Campus 2021 SAPSAA විශිෂ්ටතා සම්මාන උලෙළේ දී කැපී පෙනෙන වෘත්තීය උපායමාර්ගික සහ උසස් අධ්‍යාපන ආයතනය ලෙස නම් කරන ලදී.
අගමැති සම්මානය (2011), එක්සත් ජාතීන්ගේ අධ්‍යාපනික රන් සම්මානය (2013-2014), ජාතික විශිෂ්ටතා සම්මානය (2018) සහ ආසියානු විශිෂ්ටතා සම්මානය (2021) යන සම්මානවලින්ද SDTI Campus පිදුම් ලබා ඇත. උසස් තත්ත්වයේ අධ්‍යාපනයක් සඳහා අවම පිරිවැයක් යටතේ ප්‍රවේශ වීමට අවස්ථාව උදාකරන SDTI Campus ශ්‍රී ලාංකික සිසුන්ගේ උසස් අධ්‍යාපන සහ වෘත්තීය හැකියා වර්ධනයට සුවිශාල දායකත්වයක් සපයයි. SDTI campus සමාජ මාධ්‍ය තුළින් සහ නිල වෙබ් අඩවියෙන් වැඩි විස්තර ගත හැකිය.
