බෝත­ල­යක තිබූ විෂ දිය­රය බී අසා­ධ්‍යව සිටි ධීව­රයා විජ­ය­බාහු නැවෙන් හම්බ­න්තොට රෝහ­ලට

මුහුදේ පාවෙ­මින් තිබිය දී අපිට හමු වූ බෝත­ලයේ ලීටර් 5ක් පමණ ද්‍රව්‍ය තිබුණා. අපි බීලා ඉති­රිය අප ආස­න්නයේ ගමන් ගත් වෙනත් බෝට්ටු­වක සිටි ධීව­ර­යන් පිරි­ස­කට දුන්නා. නමුත් ඔවුන් එය පානය නොකර යළි මුහු­දට විසි කර ඇතැයි “Devon 5” බහු­දින ධීවර යාත්‍රාවේ අසාධ්‍ය තත්ත්වයේ සිටි ධීව­රයා ප්‍රති­කාර සඳහා හම්බ­න්තොට මහ රෝහ­ලට වෙත යොමු කර සිටිය දී පවසා තිබේ.  

මෙම දිය­රය අඩංගු බෝත­ලයේ මුද්‍රා කඩා තිබු­ණාද නැතිද යන්න තමන්ට පැහැ­දිලි මත­ක­යක් නැති බව ද හෙතෙම කියා ඇත.   මුහුදේ පාවෙ­මින් තිබි­යදී සොයා ගත් බෝත­ල­යක තිබී කිසි­යම් පාන වර්ග­යක් බීම හේතු­වෙන් “Devon 5” බහු­දින ධීවර යාත්‍රාවේ අසාධ්‍ය තත්ත්වයේ සිටි මෙම ධීව­රයා ශ්‍රී ලංකා නාවික විජ­ය­බාහු නෞකාව මඟින් ඊයේ (01) උදෑ­සන හම්බ­න්තොට වරාය වෙත රැගෙන විත් ප්‍රති­කාර සඳහා හම්බ­න්තොට මහ රෝහල වෙත යොමු කර තිබිණි.   මෙසේ රෝහ­ලට ඇතු­ළත් කර ඇත්තේ අම්බ­ල­න්ගොඩ බැර­ගම හත­ර­ඇල පදිංචි පී.ජී.සුජිත් කුමාර (42) යන තරු­ණ­යෙකි.

නාවික හමුදා මාධ්‍ය ප්‍රකා­ශක කපි­තාන් ගයාන් වික්‍ර­ම­සූ­රිය මහතා ‘දින­මිණ’ට පැව­සුවේ නාවික හමු­දාව විසින් ඔහු කඩි­න­මින් රෝහ­ල්ගත කිරී­මට පිය­වර ගත් බවයි.

රෝහල් ගත කර ඇති ධීව­රයා මේ වන විට අසාධ්‍ය තත්ත්ව­යෙන් නොමැති බවත් ඔහු විජ­ලන තත්ත්ව­යෙන් පෙළෙන බවත් ඒ සඳහා අවශ්‍ය ප්‍රති­කාර කර­මින් සිටින බව ද හම්බ­න්තොට මහ රෝහලේ අධ්‍ය­ක්ෂිකා වෛද්‍ය අයන්ති ජය­ව­ර්ධන මහ­ත්මිය ‘දින­මිණ’ට පැව­සු­වාය.   කොළඹ සමු­ද්‍රීය සෙවීම් හා මුදවා ගැනීම් සම්බ­න්ධී­ක­රණ මධ්‍ය­ස්ථා­නයේ සම්බ­න්ධී­ක­ර­ණ­යෙන් “Devon 5” බහු­දින ධීවර යාත්‍රාවේ අසාධ්‍ය තත්ත්වයේ සිටි ධීව­ර­යින් දෙදෙ­නෙක් (02) ‘MV KOTA CAMIL’ නමැති වෙළඳ නෞකා­වක් මඟින් ජුනි මස 30 වැනි දින මුදවා ගැනී­මට කට­යුතු කෙරුණු අතර, එම ධීව­ර­යින් ගොඩ­බි­මට රැගෙන එන අත­ර­තුර එක් ධීව­ර­යකු ‘MV KOTA CAMIL’ නෞකාව තුළ දී ජීවි­ත­ක්ෂ­යට විය.

අසාධ්‍ය තත්ත්වයේ සිටි අනෙක් ධීව­රයා ශ්‍රී ලංකා නාවික විජ­ය­බාහු නෞකාව වෙත ජුනි මස 30 වැනි දින සන්ධ්‍යාවේ දී දෙවු­න්දර සිට නාවික සැත­පුම් 170ක් (කිලෝ­මී­ටර් 314ක පමණ) දුරින් වූ ගැඹුරු මුහුදේ දී නාවික හමු­දාව විසින් බාර ගැණිනි.

එම ධීව­රයා වෙත විජ­ය­බාහු නෞකාවේ දී නාවික හමුදා වෛද්‍ය කණ්ඩා­යම මඟින් හදිසි ප්‍රති­කාර ලබා දෙමින්, ඊයේ (30) උදෑ­සන (01) මෙලෙස හම්බ­න්තොට වරාය වෙත රැගෙන විත් වැඩි­දුර ප්‍රති­කාර සඳහා හම්බ­න්තොට මහ රෝහල වෙත යොමු කිරී­මට කට­යුතු කෙරිණි.   මෙම බහු­දින ධීවර යාත්‍රාව ඉකුත් 6 වැනිදා තංගල්ල ධීවර වරා­යෙන් ජාත්‍ය­න්තර මුහුදු සීමා­වට ධීවර කට­යුතු සඳහා යාත්‍රා කොට ඇත්තේ ධීව­ර­යන් 6 දෙනෙ­කුද සම­ඟිනි. ඔවුන් ධීවර කට­යු­තු­වල නිරත වෙමින් සිටි අත­ර­වා­රයේ මුහුදේ පාවෙ­මින් තිබූ යම් බෝත­ල­යක තිබූ දිය­ර­යක් මත්පැන් වර්ග­යක් යැයි සිතා පානය කර ඇත. ඉන් පසුව ඔවුන් රෝගා­තුර වී ධීව­ර­යින් හය­දෙ­නා­ගෙන් සිව්දෙ­නෙ­කුම එම යාත්‍රා­වේ­දීම මිය­ගොස් තිබුණි.

මෙලෙස මිය­ගොස් තිබුණේ යාත්‍රාවේ ස්කීප­ර්ව­රයා වන 42 හැවි­රිදි නයන කාන්ත, 24 හැවි­රිදි පැතුම් දිල්ශාන්, 32 හැවි­රිදි සුජිත් සංජීව, 33 හැවි­රිදි ප්‍රදීප් නිශාන්ත සහ 68 හැවි­රිදි අජිත් කුමාර යන ධීව­ර­යින් 5 දෙනාය. ඩෙවෝන් 05 ධීවර යාත්‍රාව සහ එහි තුළදී මිය ගිය ධීව­ර­යන් හතර දෙනාගේ සිරුරු මේ වන විට දිව­යි­නට රැගෙන එමින් පව­තින් බවත් ඒ සඳහා දින දෙකක කාල­යක් ගත­වන බවත් ධීවර සහ ජලජ සම්පත් දෙපා­ර්ත­මේ­න්තුවේ අධ්‍යක්ෂ ජන­රාල් සුසන්ත කහ­වත්ත මහතා සඳ­හන් කරයි.

එම ධීවර යාත්‍රාව කාර්මික දෝෂ­ය­කට ලක්ව ඇති හෙයින් වෙනත් යාත්‍රා­ව­කින් ගොඩ­බි­මට ඇද ගෙන එනු ලබන බවත් මිය­ගිය ධීව­ර­යන්ගේ සිරුරු එහි පව­තින බවත් කීවේය.

ඊයේ (01) නාවික හමු­දාව විසින් රැගෙන ආ විදේ­ශීය වෙළෙඳ යාත්‍රාව තුළ මිය ගිය ධීව­ර­යාගේ සිරුර හම්බ­න්තොට රෝහ­ලට බාරදී ඇති අතර එම සිරුර එහි මෘත ශරී­රා­ගා­රයේ තැන්පත් කොට තිබේ.