2023 වර්ෂයට අදාළව විශ්වවිද්‍යාල සඳහා සිසුන් ඇතුළත් කර ගැනීමට අන්තර්ජාලය මඟින් අයදුම් කිරීමේ අවසාන දිනය අදින් (05) අවසන් වන බව ශ්‍රී ලංකා විශ්වවිද්‍යාල ප්‍රතිපාදන කොමිෂන් සභාව විශේෂ නිවේදනයක් නිකුත් කරමින් පවසයි.
එම නිවේදනයට අනුව 2023 වර්ෂයේ අ.පො.ස. උසස් පෙළ සමත් සිසුන් 2023/2024 අධ්‍යයන වර්ෂය සඳහා ජාතික විශ්වවිද්‍යාලවලට ඇතුළත් කර ගැනීම සඳහා විශ්වවිද්‍යාල ප්‍රතිපාදන කොමිෂන් සභාව මේ වන විට අයදුම්පත් කැඳවා ඇත.
ඒ අනුව, පසුගිය වර්ෂයේ උසස් පෙළ ප්‍රතිඵල අනුව විශ්වවිද්‍යාල ප්‍රවේශයට අන්තර්ජාලය මඟින් අයදුම් කිරීමේ අවසාන දිනය අද (05) දිනයෙන් අවසන් වන බව එහි සඳහන් වන අතර මෙතෙක් එම කටයුතු අවසන් නොකළ සිසුන් අදාළ අයදුම්පත විශ්වවිද්‍යාල කොමිෂන් සභාවේ නිල වෙබ් අඩවිය වන UGC වෙබ් අඩවියට පිවිසීමෙන් යොමු කරන ලෙසට විශ්වවිද්‍යාල ප්‍රතිපාදන කොමිෂන් සභාව සිහි කැඳවීමක් කර තිබේ.
