රේගු වෘත්තීය සමිති ආරම්භ කර තිබූ වෘත්තීය ක්‍රියාමාර්ගය අවසන් කිරීමත් සමඟ ප්‍රමාද වූ අත්‍යවශ්‍ය භාණ්ඩ මුදා හැරීමට කඩිනමින් කටයුතු කරන බව මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා ප්‍රකාශ කළේය.
අමාත්‍යවරයා පෙන්වා දෙන්නේ වෘත්තීය ක්‍රියාමාර්ගය අතරතුර දී පවා රේගු නිලධාරීන් අත්‍යවශ්‍ය භාණ්ඩ මුදා හැරීමේ කටයුතු සඳහා මැදිහත් වූ බවයි.
ලබන ඉරිදා වන විට භාණ්ඩ මුදා හැරීමේ කටයුතු යථා තත්ත්වයට පත් කිරීමට හැකි වනු ඇතැයි තමා අපේක්ෂා කරන බව සියඹලාපිටිය මහතා පැවැසුවේය.
වෘත්තීය සමිති ආරම්භ කර තිබූ වෘත්තීය ක්‍රියාමාර්ගය සියඹලාපිටිය අමාත්‍යවරයා සමග පැවැති සාකච්ඡාවකින් පසු අත්හිටුවීමට තීරණය කෙරිණි. ඉන් පසු රේගුවේ කටයුතු ක්‍රියාත්මක වන ආකාරය පිළිබඳ සොයා බැලීම සඳහා රේගු මූලස්ථානය වෙත ගිය අමාත්‍යවරයා මාධ්‍යවේදීන් හමුවේ මේ බව සඳහන් කළේය.
