249
තම පාලනයක් යටතේ ශ්‍රී ලංකාව පොදුරාජ්‍ය මණ්ඩලයෙන් ඉවත් කරගන්නා බව ජාතික ජන බලවේගයේ ජාතික විධායක සභික හිටපු පාර්ලිමේන්තු මන්ත්‍රී කේ.ඩී. ලාල්කාන්ත මහතා සඳහන් කරයි. තම පක්ෂයේ ප්‍රතිපත්ති ප්‍රකාශනයේද එය ලිඛිතව සඳහන් කර ඇති බවද හෙතෙම කියා සිටී. බ්‍රිතාන්‍ය රැජනගේ ආධිපත්‍යයෙන් යටත් කරගත් රටවල් ඉන් මිදුණාට පසු එම රටවල් වෙනත් ආකාරයකින් යටත්ව පවත්වාගෙන යෑම සඳහා පොදු රාජ්‍ය මණ්ඩලය පිහිටුවන ලද බවද හෙතෙම පෙන්වා දෙයි. බ්‍රිතාන්‍ය මහ රැජනගේ ආධිපත්‍යය නැති පොදුරාජ්‍ය මණ්ඩලයක තමන් පක්ෂ නමුත් ඇයගේ ආධිපත්‍යය සහිත පොදු රාජ්‍ය මණ්ඩලයෙන් ශ්‍රී ලංකාව ඉවත් වන බව තම පක්ෂයේ ප්‍රතිපත්ති ප්‍රකාශනයේ සඳහන් කර ඇතැයිද හෙතෙම කියා සිටී.
