චීනයේ කෘත්‍රිම බුද්ධි ක්ෂේත්‍රය ආශ්‍රිත පේටන්ට් බලපත්‍ර හිමිකාරිත්වයේ කැපීපෙනෙන වර්ධනයක්

චීනය මේ වනවිට කෘත්‍රිම බුද්ධිය ආශ්‍රිත නව නිපැයුම් පේටන්ට් බලපත්‍ර 378 000 කට හිමිකම් කියයි.‍ 2023 වසර වන විට වාර්තා වූ මෙම සංඛ්‍යාව 2022 හා සැසඳීමේ දී  40% කට අධික වර්ධනයක් බව චීන ජාතික බුද්ධිමය දේපළ පරිපාලනය පෙන්වා දෙයි.

චීනයේ මෙම හිමිකම් අනුපාතය, එම අංශයේ ගෝලීය වශයෙන් පවතින සාමාන්‍ය අගය ද ඉක්මවා ඇති බව අදාළ දත්ත වාර්තාවන්හි දැක්වේ.

කෘත්‍රිම බුද්ධි කර්මාන්තය චීන ඩිජිටල් ආර්ථිකයේ නව නිපැයුම් ගම්‍යතාව ඉහළ නැංවීමට ද තුඩු දී ඇත. පසුගිය වසරේ චීන ඩිජිටල් ආර්ථිකයේ ප්‍රධාන කර්මාන්තවලින් දළ දේශීය නිෂ්පාදිතයට ලැබුණු දායකත්වය 10% කි.