152
රාජ්‍ය ඡායාරූප උපදේශක සභාව විසින් වසර තුනකට පසු සංවිධාන කරන ලද වෙසක් සිරි අසිරි – 2024 ඡායාරූප තරගයේ ජයග්‍රාහකයන් ත්‍යාග පිරිනැමීම සහ ඡායාරූප ප්‍රදර්ශනය පසුගිය 31 වැනිදා කොළඹ කෞතුකාගාර නව ප්‍රදර්ශන ශාලාවේදී බුද්ධශාසන, ආගමික හා සංස්කෘතික කටයුතු අමාත්‍යාංශයේ ලේකම් එච්. එම්. බී. හේරත් මහතාගේ ප්‍රධානත්වයෙන් පැවැත්විණි.
එම නිර්මාණ හිමිකරුවන්ට සහතික පත් ප්‍රදානය අමාත්‍යාංශ ලේකම් එච්. එම්. බී. හේරත්, සංස්කෘතික අධ්‍යක්ෂකා යෂින්තා ගුණවර්ධන සහ සහකාර අධ්‍යක්ෂ කසුන් සේනාරත්න, ශ්‍රී ලංකා කලා මණ්ඩලයේ සභාපති ආචාර්ය ප්‍රනීත් අභයසුන්දර මහත්ම මහත්මීන් අතින් සිදු විය.
වසර 03කට ආසන්න කාලයක නිහැඬියාවෙන් පසු රාජ්‍ය ඡායාරූප උපදේශක සභාවේ නව පරිපාලනය විසින් ආරම්භ කරන ලද වැඩසටහනේ ප්‍රථම පියවර මෙය වේ.
