පොසොන් සතියේ අනුරාධපුර මූලස්ථාන පොලිසියේ දූෂණ මර්දන අංශය මඟින් රුපියල් කෝටි එකහාමාරකට අධික වටිනාකමකින් යුත් හෙරොයින් කිලෝ එකයි ග්‍රෑම් 10ක් සමඟ අනුරාධපුර බුලංකුලමේදී සැකසිට අත්අඩංගුවට ගෙන රිමාන්ඩ් කර සිටින අනුරාධපුර නගරයේ ප්‍රසිද්ධ පාසලක සේවය කරන ගුරුවරිය සහ සංචාරක මණ්ඩලයේ සහායක සූපවේදියකු වන ඇගේ සැමියා මේ මස 26 දින දක්වා යළි රිමාන්ඩ් කරන ලෙස අනුරාධපුර ප්‍රධාන මහේස්ත්‍රාත් සහ අතිරේක දිසා විනිසුරු නාලක සංජීව ජයසූරිය මහතා නියෝග කළේය.
මෙම සිද්ධිය සම්බන්ධයෙන් සිදු කෙරෙන විමර්ශනවල ප්‍රගතිය දැක්වෙන වාර්තාවක් අධිකරණය හමවුට ඉදිරිපත් කරන ලෙසටද ප්‍රධාන මහේස්ත්‍රාත්වරයා අනුරාධපුර මූලස්ථාන පොලිසියේ දූෂණ මර්දන අංශයට තවදුරටත් නියෝග කෙරිණ. මෙසේ යළි රිමාන්ඩ් කළේ වීරඹුගෙදර උහූමීය කොට්ටල හංදිය ලිපිනයේ කේ. ආර්. රුක්ෂලා සෙව්වන්දි ජයරත්න නමැති අනුරාධපුර නගරයේ ප්‍රධාන පෙළේ පාසලක සේවය කරන 26 හැවිරිදි ගුරුවරියක සහ ඇයගේ සැමියා වන කෑගල්ල දැදිගම, මහපල්ලේගම, කුඩාපල්ලේගම, ගල්කොටුවවත්ත ලිපිනයේ එච් හේෂාන් වීරසිංහ නැමති 28 හැවිරිදි සංචාරක මණ්ඩලයේ සහායක සූපවේදියෙකි.
පැමිණිල්ල වෙනුවෙන් අනුරාධපුර මූලස්ථාන පොලසියේ දූෂණ මර්දන අංශයේ උප පොලිස් පරීක්ෂකවරුන් වන කරුණාරන්න වන්නිනායක සහ එච් එම් හේරත් යන මහත්වරුන් පෙනී සිටියහ. අනුරාධපුර කොට්ඨාස භාර ජ්‍යෙෂ්ඨ පොලිස් අධිකාරි තිලිණ හේවාපතිරණ මහතාගේ නියෝග මත අනුරාධපුර දූෂණ මර්දන අංශයේ ස්ථනාධිපති උප පොලිස් පරික්ෂක සාගර රණසිංහ මහතා ඇතුළු නිලධාරීන් කණ්ඩායමක් සැකකාර ගුරුවරිය සහ ඇගේ සැමියා හෙරොයින් සමඟ අත්අඩංගුවට ගෙන තිබිණ.
