366
වැඩබලන අභියාචනාධිකරණ සභාපතිවරයා වශයෙන් අභියාචනාධිකරණ විනිසුරු ආර්.එම්. සෝභිත රාජකරුණා මහතා පත් කෙරේ.
ජනාධිපති රනිල් වික්‍රමසිංහ මහතා විසින් මේ පත්වීම සිදු කර ඇත. ඒ මහතා වැඩබලන අභියාචනාධිකරණ සභාපතිවරයා වශයෙන් ජනාධිපති කාර්යාලයේදී ජනාධිපති රනිල් වික්‍රමසිංහ මහතා ඉදිරියේ ඊයේ (16) දිවුරුම් දුන්නේය. අභියාචනාධිකරණ සභාපති විනිසුරු ලෙස කටයුතු කළ නිශ්ශංක බන්දුල කරුණාරත්න මහතා රටින් බැහැරවීම හේතුවෙන් ඒ මහතා නැවත පැමිණෙන තෙක් මෙම පත්කිරීම සිදු කර ඇත. ජනාධිපති ලේකම් සමන් ඒකනායක මහතාද මෙම අවස්ථාවට එක්ව සිටියේය.
