ශ්‍රී ලංකා අවුරුදු 19න් පහළ කාන්තා ක්‍රිකට් කණ්ඩායම ඔස්ට්‍රේලියාවේ තුන්කොන් ක්‍රිකට් තරගාවලියකට එක්වීමට නියමිතය.
මේ තරගාවලිය ශ්‍රී ලංකාව, ඔස්ට්‍රේලියාව සහ නවසීලන්තයේ අවුරුදු 19න් පහළ කාන්තා කණ්ඩායම්වල සහභාගිත්වයෙන් පැවැත්වෙන අතර, එය විස්සයි20 සහ එක්දින තරගාවලි දෙකකින් සමන්විතය.
මින් පෙර පසුගිය අප්‍රේල් මාසයේදී ශ්‍රී ලංකා 19න් පහළ කාන්තා කණ්ඩායම හම්බන්තොට සහ ගාල්ලේදී මෙවැනි තරගාවලියකට එක් වූ අතර, ඊට එංගලන්තය සහ ඔස්ට්‍රේලියාව ද එක් විය.
විස්සයි20 තරගාවලියේදී ශ්‍රී ලංකා පිල ලබන මස 20 වැනිදා නවසීලන්තයට එරෙහිව පළමු තරගයට පිවිසෙන අතර, එහිදී සෙසු කණ්ඩායම් දෙකට එරෙහිව තරග 2ක් බැගින් ක්‍රීඩා කළ යුතුය. එක්දින තරග දෙක සැප්තැම්බර් 30 ඔස්ට්‍රේලියාවට එරෙහිවත් ඔක්තෝබර් 1 නවසීලන්තයට එරෙහිවත් පැවැත්වේ.
ශ්‍රී ලංකාවේ විස්සයි20 තරග කාලසටහන
සැප්. 20 දා: ශ්‍රී ලංකා – නවසීලන්තය (ඇලාන් පෙටිග්රිව් ඕවල් පිටියේදී)
සැප්. 22 දා: ශ්‍රී ලංකා – ඔස්ට්‍රේලියාව (ඉයන් හීලි ඕවල් පිටියේදී)
සැප්. 25 දා: ශ්‍රී ලංකා – ඔස්ට්‍රේලියාව (බිල් පිපෙන් ඕවල් පිටියේදී)
සැප්. 26 දා: ශ්‍රී ලංකා – නවසීලන්තය (බිල් පිපෙන් ඕවල් පිටියේදී)
එක්දින තරග
සැප්. 30 දා: ශ්‍රී ලංකා – ඔස්ට්‍රේලියාව (ඇලාන් පෙටිග්රිව් ඕවල් පිටියේදී)
ඔක්. 1 දා: ශ්‍රී ලංකා – නවසීලන්තය (ඇලාන් පෙටිග්රිව් ඕවල් පිටියේදී)
