119
ජපානයේ මීළඟ අගමැතිවරයා ලෙස හිටපු ආරක්ෂක ඇමැති ෂිගේරු ඉෂිබා පත්වීමට නියමිත බව විදෙස් මාධ්‍ය වාර්තා කළේය. ජපානයේ පාලක පක්ෂය වන ලිබරල් ඩිමොක්‍රටික් පක්ෂයේ නායකයා තේරීම සඳහා ඊයේ පැවැති ඡන්ද විමසීම ජය ගැනීමෙන් පසු ඔහු මීළඟ අගමැතිවරයා බවට පත්වූ බවත් විදෙස් මාධ්‍ය වැඩිදුරටත් වාර්තා කළේය.
67 හැවිරිදි හිටපු ආරක්ෂක ඇමැතිවරයා ලබන ඔක්තෝබර් මාසයේදී ජපානයේ නව අගමැති ලෙස දිව්රුම් දෙනු ඇතැයි ද වාර්තා වේ.
ලිබරල් ඩිමොක්‍රටික් පක්ෂයේ නායකයා තෝරා ගැනීමේ ඡන්ද විමසීමට අපේක්ෂකයන් 9 දෙනකු ඉදිරිපත් වී ඇති අතර, ඡන්ද 215කින් 194ක් ෂිගේරු ඉෂිබාට පක්ෂය ලැබී ඇතැයි විදෙස් මාධ්‍ය සඳහන් කළේය. ඔහු ලිබරල් ඩිමොක්‍රටික් පක්ෂයේ නායකත්වයට තරග වැදුණු පස්වැනි අවස්ථාව බව ද වාර්තා වේ.
