205
ව්‍යවසායක දිලිත් ජයවීර මහතාගේ නායකත්වයෙන් යුත් මව්බිම ජනතා පක්ෂයේ සභාපතිවරයා ලෙස හිටපු ක්‍රීඩා ඇමැති රොෂාන් රණසිංහ මහතා පත් කර තිබේ.
පක්ෂයේ උප සභාපතිවරයා ලෙස හිටපු ඇමැති, මහාචාර්ය චන්න ජයසුමන මහතා පත් කර ඇති අතර එම පත්වීම්වලට අදාළ ලිපි ඔවුන් වෙත ඊයේ (02) ලබාදී ඇත. මින් පෙර හිටපු ඇමැති දිලුම් අමුණුගම මහතා මව්බිම ජනතා පක්ෂයේ ජාතික සංවිධායක ලෙස පත් කෙරිණි. ගම්පහ දිස්ත්‍රික් ශ්‍රී ලංකා පොදු ජන පෙරමුණේ හිටපු පාර්ලිමේන්තු මන්ත්‍රී මිලාන් ජයතිලක මහතා ද මව්බිම ජනතා පක්ෂය හා එක්ව ඇත. ඔහු ගම්පහ දිස්ත්‍රික්කයේ මව්බිම ජනතා පක්ෂයේ සංවිධායකවරයා ලෙස පත් කර තිබේ.
නුවන් කොඩිකාර
