36
මුලතිව්, මුල්ලිවයික්කාල් ප්‍රදේශයේ නිවෙසක් අසල වළදමා තිබූ සී.4 වර්ගයේ පුපුරන ද්‍රව්‍ය සමඟ සැකකරුවකු මුලතිව් පොලිස් ස්ථානයේ නිලධාරීන් පිරිසක් විසින් පෙරේදා (15) අත්අඩංගුවට ගෙන තිබේ.
යුද හමුදා බුද්ධි අංශ නිලධාරීන්ගෙන් ලද තොරතුරක් අනුව මුලතිව් පොලිස් ස්ථානයේ නිලධාරීන් පිරිසක් විසින් මුල්ලිවයික්කාල් බටහිර ප්‍රදේශයේ කළ පරීක්ෂාවකින් අනතුරුව නිවෙසක් අසල වළදමා තිබූ සී4 වර්ගයේ පුපුරන ද්‍රව්‍ය ග්‍රෑම් 139යි මිලි ග්‍රෑම් 510ක් සමග එම නිවෙස් හිමියා අත්අඩංගුවට ගෙන ඇත. මෙලෙස අත්අඩංගුවට ගෙන ඇත්තේ රැකියාව ලෙස කුලී වැඩෙහි යෙදෙන වයස අවුරදු 27ක් වන අයකු බව පොලීසිය පවසයි. සැකකරු ඊයේ (16) අධිකරණයට ඉදිරිපත් කිරීමට නියමිතව තිබිණි. මුලතිව් පොලිස් ස්ථානය සිද්ධිය සම්බන්ධයෙන් වැඩිදුර විමර්ශන පවත්වයි.
