සුරාබදු බලපත්‍ර නොමැතිව බත්තරමුල්ල හා තලවතුගොඩ ප්‍රදේශයේ පවත්වාගෙන ගිය රාත්‍රී සමාජ ශාලා තුනක් වටලා විදේශ මත්පැන් ලීටර් 793ක් අත්අඩංගුවට ගත් බව පාදුක්ක සුරාබදු කාර්යාලය පවසයි. ලද තොරතුරු පරිදි අධිකරණ නියෝග මත මෙම වැටලීම සිදු කර තිබුණි. අත්අඩංගුවට ගත් විදේශ මත්පැන් රාජසන්තක කර විනාශ කිරීමට නියෝග ලබා ගැනීමට නියමිත ය.
මෙම වැටලීම් බස්නාහිර පළාත් I සුරාබදු කොමසාරිස් ජයන්ත ද සිල්වා මහතාගේ හා කොළඹ නගරය II සුරාබදු අධිකාරී පී.එන්. හේමන්ත මහතාගේ අධීක්ෂණය හා උපදෙස් මත, පාදුක්ක සුරාබදු ස්ථානාධිපති ඒ.ආර්. ලැම්බර්ට් මහතාගේ සහභාගීත්වය යටතේ, පාදුක්ක සුරාබදු ස්ථානයේ නිලධාරීන් වන සුරාබදු පරීක්ෂක සංජීව මාන්න උතුම්, රුචිර සූරියසිංහ, කාන්තා සුරාබදු මහ සැරයන් දේවිකා නිලන්ති, සුරාබදු සැරයන් සමරනායක, සුරාබදු කෝප්‍රල්වරුන් වන මාරසිංහ, ධනුක චන්ද්‍රකුමාර, අනිල් වීරසිංහ, කසුන් හේවගේ, සමීර බණ්ඩාර හා සුරාබදු රියැදුරන් වන ශෂික රණතුංග, දුමින්ද යන නිලධාරීහු විසින් සිදු කරනු ලැබූහ.
