අපේ කණ්ඩායමට ගහන මඩ සියල්ල පරාජය කර අපේ ඡන්ද ගොඩ වැඩි කරගෙන පාර්ලිමේන්තුවට මන්ත්‍රීවරු තුන්දෙනෙක් යවනවා. ඒක නවත්වන්න කාටවත් බැහැයි නව ප්‍රජාතන්ත්‍රවාදී පෙරමුණේ ගාල්ල දිස්ත්‍රික් අපේක්ෂක හිටපු දකුණු පළාත් සභා මන්ත්‍රී නීතීඥ ලසන්ත විජේනායක මහතා පැවසීය.
ගාල්ල උළුවිටිකේ පැවති පාක්ෂික හමුවකදී විජේනායක මහතා මේ බව කීවේය.
එහිදී විජේනායක මහතා මෙසේ ද කීය.
අපේ ලොක්කට කිව්වා වැට් එක සියයට එකොළහේ සිට 18ට ගෙනාවා කියලා. රනිල් ලොක්කා උද්ධමනය තනි ඉලක්කමට ගෙනාවා. දැන් කරවල, උම්බලකඩ, හාල්මැස්සො මිල සියල්ල ඉහළ ගියා. ආණ්ඩු කර පුරුද්දක් නැහැ. මොළ හෝදන්න පමණයි පුරුද්ද තිබෙන්නේ ආණ්ඩුව ගත්ත ගමන් මිනිස්සුන්ට එපා වෙනවා. අපේ කට්ටිය අල බහින කම් ඉන්න ඇහැකි අල තම්බනකම් ඉන්න කැමති නැහැනේ. අපේ උන් උගන්ඩාවෙන් ඩොලර් ගේනකම් බලා ඉන්නවා. හොරු අල්ලනකම් බලා ඉන්නවා. පෙට්‍රල් 55ට දෙනකම් බලන් ඉන්නවා.
මාලිමාවට වැඩ කරපු කොල්ලො රොද බැඳගෙන හිනිදුම්පත්තුවේ මාත් එක්ක ඉන්නවා. අපි ඉල්ලුවේ දිනන්න මිස පරදින්න නොවෙයි. මෙතැන ලොක්කො දෙන්නෙක් ඉන්නවා. හිටපු කැබිනට් ඇමැතිවරු දෙන්නෙක් ඉන්නවා. කොයි කවුරුත් ඉතින් මේ දෙන්නට නේ බෙදන්නේ. කමක් නැහැ. ඒක හින්දා මටත් එකක් ගහල දාන්න.
