ගල්කිස්ස දක්ෂිණාරාම නාලන්දා පිරිවෙන් විහාරස්ථානයේ කඨින පින්කම කොළඹ පළාතේ ප්‍රධාන සංඝනායක විහාරාධිපති අතුරලියේ ආනන්ද නාහිමියන්ගේ අනුශාසනා පරිදි අද (29) සිට නොවැම්බර් 02 වැනිදා දක්වා විහාරස්ථ පරිශ්‍රයේදී පැවැත්වේ.
අද (29) සිට 02 වැනිදා දක්වා දිනපතා සවස 6.30ට අටවිසි බුද්ධ පූජාව හා බෝධි පූජාව ද අද (29) සිට 31 වැනි දින දක්වා රාත්‍රී 7ට කථිකාචාර්ය බෝපැත්තේ සෝමානන්ද, මිද්දෙණියේ සුමංගල, අමරපුර මහා නිකායේ වැඩබලන මහනායක දොඩන්දූවේ සිරිකර යන හිමිවරු විසින් දම් දෙසුම් පවත්වති.
නොවැම්බර් 01 වැනි දින රාත්‍රී 8.30ට සර්වරාත්‍රික මහ පිරිත් දේශනය ද කඨින චීවරය රැගත් පෙරහර ගල්කිස්ස මෙනෙරිගම පෙදෙසේ නො. 13/B නිවසේ වස් ආරාධනා කළ සැදැහැවත් වසන්ත ගාමිණී මහතාගේ නි‍ෙවසින් අලුයම 4ට පිටත්වී විහාරස්ථානයට පැමිණීම හා පෙ. ව. 6.30ට කප්රුක් පූජාව හා කඨින චීවරය සඟසතු කොට පූජා කෙරේ. පෙ. ව. 7.15ට මහ සඟරුවන විෂයෙහි අටපිරිකර සහිත දානය පිරිනැමීම හා ප.ව. 7ට කඨිනානිශංස විශේෂ දම් දෙසුම කීනපැලැස්සේ කස්සප හිමියන් විසින් පවත්වනු ලබයි.
