45
තායිවානයේ ගුවන් සීමාව හා මුහුදු සීමාව ආක්‍රමණය කිරීමේ චීන ක්‍රියාකාරකම් හෙළා දකිමින් යුරෝපා පාර්ලිමේන්තුව ප්‍රකාශයක් නිකුත් කර ඇතැයි විදෙස් මාධ්‍ය වාර්තා කළේය. යුරෝපා පාර්ලිමේන්තුව එම ප්‍රකාශය සිදු කර ඇත්තේ තායිවානය චීන පරිපාලන ඒකකයක් ලෙස ඒකීය චීන ප්‍රතිපත්තිය යටතේ නීතිමය වශයෙන් එක්සත් ජාතීන්ගේ සංවිධානය පිළිගනු ලැබුවද එක්සත් ජාතීන්ගේ සංවිධානයේ හෝ වෙනත් ජාත්‍යන්තර සංවිධානවල රැස්වීම් සඳහා සහභාගි වීමට තායිවානයට කිසිදු බාධාවක් නැති බවට පසුගියදා එම පාර්ලිමේන්තුවේදී යෝජනාවක් සම්මත වීමෙන් පසුව බවද විදෙස් මාධ්‍ය වැඩිදුරටත් වාර්තා කළේය. එම යෝජනාවට පක්ෂව ඡන්ද 432ක් සහ විපක්ෂව ඡන්ද 60ක් ලැබුණු බව ද වාර්තා වේ.
