28
මරදානේ සිට හික්කඩුව දක්වා පසුගිය 28 වැනිදා රාත්‍රියේ ධාවනය වූ දුම්රියක අහුන්ගල්ල, ගල්බොක්ක ප්‍රදේශයේදී ගැටුණු පුද්ගලයකු බරපතළ තුවාල ලබා මියගොස් ඇතැයි අහුන්ගල්ල පොලිසිය පවසයි.
මෙසේ මියගොස් ඇත්තේ කොස්ගොඩ, හෑගල්ලේ පදිංචිව සිටි රණසිංහ රංජිත් නමැති 60 හැවිරිදි තිදරු පියෙකි. ඔහු දුම්රිය මාර්ගය මතදී මෙම අනතුරට මුහුණපා ඇතැයි පොලිසිය පවසයි. මෙම මරණය පිළිබඳ හදිසි මරණ පරීක්ෂණය පෙරේදා (29) බලපිටිය රෝහලේදී පැවැත්වීමට නියමිතව තිබිණි. අහුන්ගල්ල පොලිසිය මේ අනතුර සම්බන්ධයෙන් වැඩිදුර පරීක්ෂණ පවත්වයි.
