ගමේ ජනතාව, කාන්තාව අද අසරණ වෙලා. ළමයි වගේම කාන්තාවත් තමන්ගේ ප්‍රශ්න කියන්න බැරුව ඉන්නවා. ඒ සියලුදෙනා වෙනුවෙන් හඬක් වෙන්න තමා මෙවර මැතිවරණයට ඉදිරිපත් වූ බව එක්සත් ප්‍රජාතන්ත්‍රවාදී හඬ පක්ෂයේ ගම්පහින් පාර්ලිමේන්තු මැතිවරණයට ඉදිරිපත් වී සිටින මීරිගම ආසන සංවිධායිකා නීතිඥ එම්.ආර්. අනාර් මහත්මිය සඳහන් කළාය. ඇය මේ බව ප්‍රකාශ කළේ පස්යාල හන්දියේ පැවති ජන හමුවකදීය.
එහිදී වැඩිදුරටත් අනාර් මහත්මිය මෙසේ ද කීවාය.
කලක සිට මම දේශපාලනයට එන්න අදහස් කළත් මට දේශපාලනය කරන්න හොඳ පක්ෂයක් පිළිබඳ ගැටලුවක් තිබුණා. ඒ අතර තමයි එක්සත් ප්‍රජාතන්ත්‍රවාදී හඬ නිර්මාණය වෙන බවට මට ආරංචිය ලැබුණේ. ඒ ආරංචිය මත මා තීරණය කළා අයුක්තිය අසාධාරණය වෙනුවෙන් හඬක් නඟන්න එක් වුණොත් ලංකාවේ අපට ජනතාව වෙනුවෙන් සේවයක් කරන්න පුළුවන් වෙයි කියලා. අපි සියලු දෙනා අලුත් සිතුම් පැතුම් සමඟ නව ගමනක් යන්න ඕජස් ගලන පරණ පක්ෂ සියල්ල අත්අරිමු.
