මේ රටේ ප්‍රබල පක්ෂ කුණු කූඩයට දමමින් මහමැතිවරණයේදී නව කණ්ඩායමක් පාර්ලිමේන්තුවට තෝරා පත් කිරීමට ජනතාව දැඩි කැමැත්තෙන් සිටින බව දෙවැනි පරපුර දේශපාලන ව්‍යාපාරයේ නායක උවිඳු විජේවීර මහතා සඳහන් කළේය.
උවිඳු විජේවීර මහතා පුසගියදා (31) අනුරාධපුරයේදී මාධ්‍ය වෙත අදහස් දක්වමින් මේ බව පැවසීය. එහිදී තවදුරටත් විජේවීර මහතා මෙසේ ද පැවසීය. ජනතාව ප්‍රතික්ෂේප කර ඇති මොහොතක ඇතැම් දේශපාලනඥයන්ගේ දරුවන් සහ හෙන්චයියන් දේශපාලනයට ගෙන ඒමට ජනතාව නැවත වරක් රවටමින් කටයුතු කරන ආකාරය දක්නට ලැබෙනවා. මහමැතිවරණයෙන් මොන කණ්ඩායම බලයට ආවත් වංචා දූෂණයෙන් තොර පාර්ලිමේන්තුවක් වෙනුවෙන් මඟ පෙන්වන විපක්ෂයක භූමිකාව වීමට දෙවැනි පරපුර ව්‍යාපාරය කටයුතු කරන බවත් ප්‍රතිපත්ති වශයෙන් එකඟතා පළ කරන සෑම මොහොතකම ආණ්ඩුව සමඟ එකට කටයුතු කරන බව ද උවිදු විජේවීර මහතා පැවසීය.
