27
ආහාර ඇසුරුම් තුළ සඟවා රුපියල් කෝටි 10ක් පමණ වටිනා අයිස් මත්ද්‍රව්‍ය කිලෝ 05ක් සිංගප්පූරුවේ සිට ගුවන් මගින් මෙරටට ගෙනා තායිලන්ත ජාතික කාන්තාව ගුවන්තොටුපොළේ සිට පිටතට රැගෙන යෑමට සූදානමින් සිටි පුද්ගලයකු පොලිස් මත්ද්‍රව්‍ය කාර්යාංශය විසින් පෙරේදා (05) අත්අඩංගුවට ගනු ලැබුවේය.
කටුනායක ගුවන්තොටුපොළේ බැංකු ලොබියේදී ඔහු අත්අඩංගුවට ගත් බව පොලිස් මත්ද්‍රව්‍ය කාර්යාංශය සඳහන් කළේය.
කොටහේන පොලිස් වසමේ බ්ලූමැන්ඩල් මහල් නිවාසවල පදිංචිකරුවකු වන සැකකරු වයස අවුරුදු 30ක පුද්ගලයෙකි.
මත්ද්‍රව්‍ය තොගය රැගෙන තායිලන්ත ජාතික කාන්තාව හරිත මාවත (Green Channel) ඔස්සේ ගුවන්තොටුපොළින් පිටව යමින් සිටියදී පසුගිය 04 වෙනිදා අත්අඩංගුවට ගනු ලැබුවේ රේගු නිලධාරීන් විසිනි.
