ආරක්ෂක අමාත්‍යාංශය මඟින් පුද්ගලයන්ගේ ආරක්ෂාව සඳහා ලබා දුන් ගිනිඅවි නැවත භාර දීමේ දිනය මෙම මස 21 වැනිදා දක්වා දීර්ඝ කර තිබේ. ආරක්ෂක අමාත්‍යාංශය පුද්ගලයින්ගේ ආරක්ෂාව සඳහා ලබා දුන් බලපත්‍ර සහිත ගිනිඅවි 2024.11.07 වැනි දිනට පෙර වැලිසර පිහිටි නාවික හමුදාවේ රජයේ වාණිජ පුපුරන ද්‍රව්‍ය ගබඩාව වෙත භාරදෙන ලෙස දැනුම්වත් කරන ලදි.
නමුත්, දැනට විදෙස්ගතව සිටින බලපත්‍රලාභීන් වැනි විවිධ පාර්ශ්වයන් මෙම ආරක්ෂක අමාත්‍යාංශය වෙතින් සිදුකරන ලද ඉල්ලීම් සලකා බැලීමෙන් හා බලපත්‍රලාභීන්හට ගිනි අවි සහ පතරොම් භාරදීම සම්බන්ධව ලිපි මඟින් දැනුම් දීමට ප්‍රමාණවත් කාලයක් නොමැතිවීම හේතුවෙන් එකී කාලසීමාව 2024.11.07 දින සිට 2024.11.21 දක්වා දීර්ඝ කිරීමට ආරක්ෂක අමාත්‍යාංශය තීරණය කර ඇති බවත්, ඒ පිළිබඳව සියලුම බලපත්‍රලාභින්ට ලිඛිතව දැනුම් දීමට ක්‍රියා කරන ලද බවත්, ආරක්ෂක අමාත්‍යාංශය සඳහන් කර සිටී.
