කළුතර දෙදියවල ප්‍රදේශයේ කරවලදූව පාළම අසළ කිරිමැටිවලක සැකසහිත මළසිරුරක් හමුවූ බව කළුතර උතුර පොලීසිය පවසයි .
මළසිරුර මුණින් අතට දියමත පාවෙමින් තිබෙන අතර, එය පිරිමි පුද්ගලයකුගේද නැතහොත් කාන්තාවකගේ ද යන්න මෙතෙක් හදුනාගෙන නොමැති බවද පොලීසිය කියයි.
මියගොස් ඇති අයගේ උඩුකය නිරුවත්ව ඇති අතර, සිරුරේ පිළිස්සීම් වැනි තුවාල දක්නට ලැබෙන අතර , කවුරුන් ඝාතනය කර ගෙනවිත් දමා ඇත්ද යන්න සම්බන්ධයෙන් ද පොලීසිය විමර්ශනය කරයි.
ප්‍රදේශවාසීයෙකු විසින් දැක පොලිසිය දැනුවත් කිරීමෙන් පසු පරීක්ෂණ ආරම්භ කර තිබේ. කළුතර කොට්ඨාස අපරාධ ස්ථාන පරීක්ෂණාගාර නිළධාරින් පැමිණීමට නියමිතව තිබේ. කළුතර උතුර ස්ථානාධිපති ප්‍රධාන පොලිස් පරීක්ෂක දමිත් ජයතිලක මහතා ගේ උපදෙස් පරිදි උප පොලිස් පරීක්ෂක ආර් ඉන්ද්‍රජිත් මහතා ගේ ප්‍රධානත්වයෙන් පරීක්ෂණ පවත්වති .
