ශ්‍රී ලංකා නෙක්ස්ට් ජෙන් හොකී සංවර්ධන සමාජය ප්‍රථම වරට සංවිධාන කළ නෙක්ස්ට් ජෙන් ප්‍රිමියර් ලීග් හොකී තරගාවලියේ ශූරතාව දිනා ගැනීමට ශ්‍රී ලංකා යුද හමුදා හොකී කණ්ඩායම සමත් විය. අවසන් තරගය ගෝල 3 – 2ක් ලෙස යුද හමුදාව ජයගත් අතර, තරගාවලියේ අනුශූරතාව ශ්‍රී ලංකා ගුවන් හමුදා හොකී කණ්ඩායම සතු විය.
කොළඹ කෘත්‍රිම හොකී ක්‍රීඩාංගණයේ පැවති මේ තරගාවලිය සඳහා ශ්‍රී ලංකාවේ ප්‍රමුඛ පෙළේ ක්‍රීඩා සමාජ නියෝජනය කරමින් දේශීය සහ ජාත්‍යන්තර තරගකරුවෝ රැසක් සහභාගි වූහ. ජයග්‍රාහී ශ්‍රී ලංකා යුද හමුදා කණ්ඩායම කිසිදු විදෙස් ක්‍රීඩකයකු නොමැතිව මේ ජයග්‍රහණය හිමි කර ගැනීමට සමත් විය.
ශ්‍රී ලංකා යුද හමුදා හොකී කණ්ඩායම නියෝජනය කළ සැරයන් කුසල් තිලකසිරි අවසන් තරගයේ හොඳම ක්‍රීඩකයා හා තරගයේ උද්වේගකර ක්‍රීඩකයා ලෙසද සම්මාන දිනා ගත්තේය.
