26
මොනරාගල පොලිස් වසමට අයත් කුඹුක්කන, පාරාවිලවත්ත ප්‍රදේශයේ බලපත්‍ර රහිතව පවත්වාගෙන ගිය ගව ඝාතකාගාරයක් මොනරාගල පොලිස් කොට්ඨාස විෂ මත්ද්‍රව්‍ය අංශයේ නිලධාරීන් විසින් පෙරේදා (19) වටලනු ලැබ ඇත.
එහිදී ගවමස් කිලෝ 67ක් ළඟ තබාගෙන සිටි එම ප්‍රදේශයේම කාන්තාවක් ද පොලීසිය භාරයට ගෙන තිබේ. සැකකාරිය සහ නඩුභාණ්ඩ මොනරාගල මහේස්ත්‍රාත් අධිකරණයට ඉදිරිපත් කිරීමට කටයුතු යොදා ඇත. මොනරාගල පොලිස් කොට්ඨාස විෂ මත්ද්‍රව්‍ය අංශයේ උ.පො.ප මධුසංඛ මහතා ඇතුළු නිලධාරීන් කණ්ඩායමක් වැටලීම සිදු කර තිබිණ.
