කැලණිය විෂ වෙද රෝහල සහිත වෛද්‍ය විද්‍යාලයේ 45වැනි සංවත්සරය සහ එහි නිර්මාතෘ දිවංගත ආයුර්වේද වෛද්‍ය අමරවංශ පතිරාජ මහතාගේ 29 වැනි ගුණානුස්මරණය නිමිත්තෙන් වර්තමානයේ කැලණිය විෂ වෙද රෝහල සහිත වෛද්‍ය විද්‍යාලයේ වෛද්‍ය අධිකාරී සහ විදුහල්පතිනි ලෙස කටයුතු කරන ආයුර්වේද වෛද්‍ය විනීතා කළ්‍යාණි පතිරාජ මහත්මිය රචනා කරන ලද “ආයුර්වේද මූලධර්ම සහිත විෂ වෛද්‍ය විද්‍යා ශිඛාමණී” ග්‍රන්ථය දොරට වැඩුම මේ මස 8 වැනිදා පස්වරු 1.00ට කොළඹ තැපැල් මූලස්ථාන ශ්‍රවණාගාරයේදී පැවැත්වේ.
මේ ග්‍රන්ථයේ කතුවරිය වන වෛද්‍ය විනීතා පතිරාජ මහත්මිය විෂ වෙද කලාව මෙන්ම ආයුර්වේද වෛද්‍යවරියක ලෙස වසර පනහකට වැඩි කාලයක සිට කටයුතු කරන අත්දැකීම් සම්භාරයක් ලද ආයුර්වේද වෛද්‍යවරියකි. මේ කෘතිය ඔස්සේ සර්ප විෂ විද්‍යාව හා පාරම්පරික වෛද්‍යවරුන්ට ආයුර්වේද වෙදකම් සම්බන්ධව අගනා විග්‍රහයක් ද ඉදිරිපත් වේ.
