ලංකාවේ සිමාසහිත එක්සත් ප්‍රවෘත්ති පත්‍ර සමාගම විසින් දිනපතා මුද්‍රණය කරනු ලබන දිනමිණ පුවත්පත සිය අභිමානවත් 115 වැනි සංවත්සරය කර්තෘ මණ්ඩල අධ්‍යක්ෂ, ජ්‍යෙෂ්ඨ මාධ්‍යවේදී සිසිර යාපා මහතා ඇතුළු අධ්‍යක්ෂ මණ්ඩලයේ ප්‍රධානත්වයෙන් දිනමිණ කර්තෘ මණ්ඩල පරිශ්‍රයේදී ඉතා චාම් අයුරින් ඊයේ (17) සැමරුවේය. 
සංවත්සර උත්සවයේදී දිනමිණ ප්‍රධාන කර්තෘ ප්‍රවීණ මාධ්‍යවේදී ප්‍රදීප් දසනායක මහතා සියලු දෙනා පිළිගනිමින් දිනමිණ ගමන් මඟ හා ඉදිරි ගමන් මඟ පිළිබඳ කෙටි දෙසුමක් පැවැත්වූ අතර, කර්තෘ මණ්ඩල අධ්‍යක්ෂ ජ්‍යෙෂ්ඨ මාධ්‍යවේදී සිසිර යාපා මහතා විසින් 115 වැනි සංවත්සරය වෙනුවෙන් සුභාශිංසන එක් කරන ලදි.
දිනමිණ කර්තෘවරයා විසින් උපන්දින කේක් ගෙඩිය කැපීම සිදු කරනු ලබීය.
ලංකාවේ සීමාසහිත එක්සත් ප්‍රවෘත්ති පත්‍ර සමාගමේ මෙහෙයුම් අධ්‍යක්ෂ චාමර ජනදාස පීරිස්, මූල්‍ය අධ්‍යක්ෂ චන්න කෙවිටියගල, සාමාන්‍යාධිකාරි සුමිත් කොතලාවල, නියෝජ්‍ය සාමාන්‍යාධිකාරි (දැන්වීම්) චින්තක යාපා, ඩේලිනිව්ස් ප්‍රධාන කර්තෘ කේසර අබේවර්ධන, සිළුමිණ ප්‍රධාන කර්තෘ උදේනි සමන් කුමාර, සන්ඩේ ඔබ්සර්වර් ප්‍රධාන කර්තෘ ප්‍රමෝද් ද සිල්වා, තිනකරන් ප්‍රධාන කර්තෘ ටී. සෙන්දිල් වේලවර් මහත්වරුන් ඇතුළු පිරිසක් මේ සැමරුම් අවස්ථාවට එක්ව සිටියහ.
සිළුමිණ කර්තෘ උදේනි සමන් කුමාර, නියෝජ්‍ය සාමාන්‍යාධිකාරි (දැන්වීම්) චින්තක යාපා, සාමාන්‍යාධිකාරි සුමිත් කොතලාවල, කර්තෘ මණ්ඩල අධ්‍යක්ෂ ජ්‍යෙෂ්ඨ මාධ්‍යවේදි සිසිර යාපා, මූල්‍ය අධ්‍යක්ෂ චන්න කෙවිටයගල, මෙහෙයුම් අධ්‍යක්ෂ චාමර ජනදාස පීරිස් මහත්වරුන් දිනමිණ සැමරුමට පැමිණ සිටි අයුරු
දිනමිණ 115 වැනි සැමරුමට එක් වූ කර්තෘ මණ්ඩල සාමාජිකයන් පිරිසෙන් කොටසක්
