ජාත්‍යන්තර බැඩ්මින්ටන් තරඟයක පදක්කම් දිනූ ශ්‍රීලංකික තරඟකරුවන් දිවයිනට

බංග්ලාදේශයේ පැවති ජාත්‍යන්තර ශ්‍රේණි ගත කිරීමේ බැඩ්මින්ටන් ශූරතා තරගාවලියේ රන් පදක්කමක් සහ ලෝකඩ පදක්කම් දෙකක් දිනා ගත් ශ්‍රී ලාංකික ක්‍රීඩක ක්‍රීඩිකාවන් තිදෙනකු ඊයේ  (26) පස්වරුවේ කටුනායක ගුවන් තොටුපොළ වෙත පැමිණියහ .

මෙම තරගාවලිය  ලෝකයේ රටවල් 20 ක බැඩ්මින්ටන් ක්‍රීඩක ක්‍රීඩිකාවන්ගේ සහභාගීත්වයෙන් ඉකුත් 12/17 දින සිට 12/21 දක්වා බංග්ලාදේශයේ ඩකා නුවර  පවත්වා තිබුණි .

මෙම තරගාවලියේ දී ශ්‍රී ලාංකික ක්‍රීඩක විරේන් නෙත්තසිංහ රන් පදක්කමක් දිනා ගැනීමට සමත් වී ඇත .

ඊට අමතරව සිතුමි ද සිල්වා සහ ඉසුරි අත්තනායක ලෝකඩ පදක්කම් 02 ක් දිනා ගැනීමට සමත් වී තිබුණි .

ඔවුන් පිළිගැනීමට ශ්‍රී ලංකා බැඩ්මින්ටන් ආයතනයේ නිලධාරීන් සහ මෙම ක්‍රීඩක ක්‍රීඩිකාවන්ගේ දෙමාපියන් පිරිසක් ද කටුනායක ගුවන් තොටුපොළ වෙත පැමිණ සිටියහ .