ටෙලෝ නායක අඩෙක්කලනාදන් වහා අල්ලන්න උසාවියෙන් නියෝගයක්

අනු­රා­ධ­පුර මහා­ධි­ක­ර­ණය හමුවේ පව­තින නඩු­ව­කට පෙනී නොසිටි වන්නි දිස්ත්‍රික් පාර්ලි­මේන්තු මන්ත්‍රී සහ ටෙලෝ පක්ෂයේ නායක සෙල්වම් අඩෙ­ක්කල නාදන් මහතා වාහාම අත්අ­ඩං­ගු­වට ගෙන අධි­ක­ර­ණ­යට ඉදි­රි­පත් කරන ලෙසට නියෝග කර­මින් අනු­රා­ධ­පුර මහා­ධි­ක­රණ විනි­සුරු ලක්මාලි හේවා­ව­සම් මෙ‍නෙවිය පෙරේදා (17) වරෙන්තු නිකුත් කළාය. මෙම වරෙ­න්තුව අනු­රා­ධ­පුර කොට්ඨාස භාර ජ්‍යෙෂ්ඨ පොලිස් අධි­කාරි තිලිණ හේවා­ප­ති­රණ මහතා මඟින් ක්‍රියා­ත්මක කරන ලෙසද මෙහිදී අධි­ක­ර­ණය නියෝග කළේය. යුද්ධය පැවැති සමයේ ශ්‍රී ලංකාවේ තොර­තුරු නීති විරෝධී අයු­රින් ඉන්දි­යානු නිල නොවන මාධ්‍ය­ය­කට මුදා හැරීම සම්බ­න්ධ­යෙන් වන්නි දිස්ත්‍රික් පාර්ලි­මේන්තු මන්ත්‍රි සෙල්ව අඩෙ­ක්කල නාදන් මහ­තාට එරෙ­හිව අනු­රා­ධ­පුර මහා­ධි­ක­ර­ණය හමුවේ පව­තින මෙම නඩුව යළි කැඳවූ අව­ස්ථා­වේදී මෙම කරුණු ඉදි­රි­පත් විණි. නඩුව කැඳ­වන අව­ස්ථා­වේදී චූදිත පාර්ලි­මේන්තු මන්ත්‍රී­ව­රයා අධි­ක­ර­ණයේ පෙනී නොසිටි අතර, ඔහු වෙනු­වෙන් නිතීඥ සංජීව ගුණ­රත්න මහතා කරුණු ඉදි­රි­පත් කර­මින් සඳ­හන් කළේ තම සේවා­දා­ය­කයා දකුණු ඉන්දි­යාවේ පැවැ­ත්වෙන උත්ස­ව­යක් සඳහා සහ­භාගී වී ඇති බවය. කෙසේ වෙතත් චූදිත අධි­ක­ර­ණයේ පෙනී නොසී­ටීම සම්බ­න්ධ­යෙන් වරෙන්තු නිකුත් කළ මහා­ධි­ක­රණ විනි­සු­රු­ව­රිය නඩුව කල් තැබු­වාය.