ගාලු අහස යටදී ඔස්ට්‍රේ­ලි­යා­වෙන් ලකුණු වැස්සක්

සංචා­රක ඔස්ට්‍රේ­ලි­යානු ක්‍රිකට් පිල හා ශ්‍රී ලංකාව අතර පැවැ­ත්වෙන පළමු ටෙස්ට් තර­ගයේ පළමු දිනය නිමා­වෙද්දී ඔස්ට්‍රේ­ලි­යානු පිල කඩුලු 2ක් බිඳ වැටී ලකුණු 330ක් ලබා ප්‍රබල තත්ත්ව­යක සිටියි. බොහෝ විට ගාල්ල ජාත්‍ය­න්තර ක්‍රිකට් ක්‍රීඩාං­ග­ණයේ පැවැ­ත්වෙන ටෙස්ට් තර­ග­ය­කදී සුළු­වෙන් හෝ වර්ෂාව පති­ත­වීම සාමාන්‍ය තත්ත්ව­යක් බව සනාථ කර­මින්, ඊයේ යැවී­මට තවත් ඕවර 8.5ක් ඉති­රිව තිබි­යදී පස්වරු 4.22ට තර­ගය නවතා දම­න්නට සිදු විය. ඒ වන­වි­ටත් ඔස්ට්‍රේ­ලි­යානු පිති­ක­රුවෝ දස අතට පිත්ත වනා ලකුණු වර්ෂාව පතිත කර තිබිණි.

පළමු දිනය පුරා යැවූ ඕවර 80.1න් ඕවර් 8ක් පම­ණක් නිල­කුණු ඕවර ලෙස වාර්තා වූ අතර, පන්දු යව­න්නන්ට එපා වන තර­ම­ටම ඔස්ට්‍රේ­ලි­යානු පිති­ක­රුවෝ පිට පිට දැවැන්ත පහ­ර­වල් එල්ල කළහ.

දුර්වල පන්දු පම­ණක් තෝරා ගෙන හයේ පහ­රක් හා හතරේ පහර 10ක් සමඟ පන්දු 210කදී නොදැවී ලකුණු 147ක් ලබා­ගත් ආර­ම්භක පිති­කරු උස්මාන් කවාජා නියම ටෙස්ට් ඉනි­මක් ක්‍රීඩා කළ අතර, එය ඔහුගේ 16 වැනි ටෙස්ට් ශත­කය ලෙස වාර්තා පොත් අලුත් කළේය. නායක ස්ටීව් ස්මිත් පන්දු 188කදී හයේ පහ­රක් හා හතරේ පහර 10ක් සමඟ නොදැවී ලකුණු 104ක් ලබා ලකුණු පුව­රුව ඉහ­ළට එසැ­විය. එය ස්මිත් එල්ල කළ 35 වැනි ශත­කය වූ අතර, ශ්‍රී ලංකා­වට එරෙහි තෙවැනි ශතක ප්‍රහා­රය ද විය. මේ දෙ‍දෙනා පන්දු 307කදී ලකුණු 195ක නොබි­ඳුණු සබ­ඳ­තා­වක් එක්ක­ර­මින් සිටිති.

තණ­තිල්ල කැඩී­ගොස් පිති­ක­රු­වන් අමා­රුවේ වැ‍ටෙන්නට කලින් ලකුණු පුව­රුව ඉහළ දැමීම සැල­සුම කර­ගත් ඔස්ට්‍රේ­ලි­යානු පිලේ ආර­ම්භක පිති­කරු යුගල වූ ට්‍රැවිස් හෙඩ් හා උස්මාන් කවාජා පැයක් ගත­වෙද්දී ලකුණු 90ක් ලබා­ගත් අතර, හෙඩ් පන්දු 40කදී හයේ පහ­රක් හා හතරේ පහර 10ක් සමඟ ලකුණු 57ක් ලබා තිබි­යදී ‘ඩීප් ලෝන්ග් ඕන්’හි හතරේ සීමාව අස­ලදී චන්දි­මාල් අතට උඩ පන්දු­වක් ලබාදී දැවී ගියේය.

අංක තුන පිති­කරු මාර්නස් ලැබු­ස්චේ­න්‍ ­ල­කුණු 20ක් ලබා සිටි­යදී එල්ල කළ පහර රැක­ගත් පන්දු යැවූ වැන්ඩර්සේ දෙවැනි කඩුල්ල බිඳ­හෙළා ගැනී­මත් සමඟ පැමිණි නායක ස්ටීව් ස්මිත් මුහු­ණ­දුන් ඔහුගේ 115 වැනි ටෙස්ට් තර­ගයේ පළමු පන්දු­වෙන්ම ලකුණු 10,000 කඩ­ඉම පසු කළේය. මේ අත­ර­තුර ස්ටීව් ස්මිත් ටෙස්ට් ලකුණු 10,000 සම්පූර්ණ කළ ශ්‍රී ලංකාවේ කුමාර් සංග­ක්කාර හා සම තැන් ගැනී­මට සමත් විය.

ටෙස්ට් පිටියේ වේග­වත්ම ලකුණු 10,000 සම්පූර්ණ කළ ක්‍රීඩ­ක­යන් අතර බ්‍රයන් ලාරා (බට­හිර ඉන්දීය කොදෙව් – තරග 111) පෙර­මුණේ පසු­වන අතර, කුමාර් සංග­ක්කාර හා ස්ටීව් ස්මිත් තරග 115කදී එම දක්ෂ­තාව දැක්වූහ. අන­තු­රුව යූනුස් ඛාන් (පාකි­ස්තා­නය – තරග 116), රිකී පොන්ටින් (ඔස්ට්‍රේ­ලි­යාව – තරග 118) හා සචින් තෙන්ඩු­ල්කාර් (ඉන්දි­යාව – තරග 122) පිළි­වෙ­ළින් පසු­වෙති.

ගාලු තණ­තිල්ල දඟ පන්දු යව­න්නන්ගේ පාරා­දී­ස­යක් වුවද ශ්‍රී ලංකා  මුල් පෙළේ දඟ පන්දු යව­න්නන්ට සහා­යක් ඊයේ දිනයේ නොලැ­බුණි. වෙනදා කඩුලු අතර සිටින ප්‍රභාත් ජය­සූ­රි­යට එරෙ­හිව ලකුණු 102ක් ඔස්ට්‍රේ­ලි­යා­නු­වන් ලබා­ගත් අතර, ඔහු දවා ගත්තේ එක් කඩු­ල්ලක් පමණි.

අද තර­ගයේ තෙවැනි දින­යයි.