දේශපාලනය ගැන දැඩි කලකිරීමක් පවතින බැවින් වැඩිදුර දේශපාලනය කිරීමට තමන්ගේ අදහසක් නැති බවත් යාපනය දිස්ත්රික් පාර්ලිමේන්තු මන්ත්රී රාමනාදන් අර්චුනා මහතා ඊයේ (30) පැවසීය.
රියැදුරු බලපත්රයක් නොමැතිව මෝටර් රථයක් පදවමින් අනුරාධපුර කොට්ඨාස රථවාහන අංශයේ නිලධාරීන්ගේ
රාජකාරියට බාධා කර, සාපරාධී බලහත්කාරය පෑ බව කියන චෝදනා යටතේ පාර්ලිමේන්තු මන්ත්රී රාමනාදන් අර්චුනා මහතා අත්අඩංගුවට ගෙන අධිකරණයට ඉදිරිපත් කෙරිණි. එහිදී රුපියල් ලක්ෂ දෙකක ශරීර ඇප දෙකක් මත මුදා හැරීමට අනුරාධපුර ප්රධාන මහේස්ත්රාත් නාලක සංජීව ජයසූරිය මහතා නියෝග කළේය.
ඉන් අනතුරුව මාධ්යව්දීන් නැඟු ප්රශ්නවලට පිළිතුරු දෙමින් මන්ත්රීවරයා මේ බව කියා සිටියේය.
දේශපාලනය කිරීමට තමන් කිසිම උපාධියක් කර නැති බවත් අවුරුදු 38කින් ඡන්දෙවත් දමා නැති බවත් කී ඒ මහතා දේශපාලනයට ආවේ ජනතාව වෙනුවෙන් බවත් කීවේය.
දේශපාලනය තමන් අකැමැතිම ක්ෂේත්රයක් බවත් එහි වැඩිදුරටත් සිටීමට අදහසක් නොමැති බවත් හෙතෙම පැවසුවේය. ඉන්නා කාලෙ දී ජනතාව වෙනුවෙන් කෙළින් වැඩ කරන බව ද අර්චුනා මහතා වැඩිදුරටත් කීවේය.
පොලීසිය මඟින් අත්අඩංගුවට ගත් මන්ත්රීවරයා පෙරේදා (29) රාත්රී 9.50ට පමණ අනුරාධපුර ප්රධාන මහේස්ත්රාත්වරයාගේ නිල නිෙවසට ඉදිරිපත් කිරීමෙන් අනතුරුව මෙසේ ඇප නියම කෙරිණි.
සැකකරු වෙනුවෙන් අධිකරණයට කරුණු දක්වමින් නීතිඥ සුනන්ද තෙන්නකෝන් මහතා පැවසුවේ, සැකකරු සම්බන්ධයෙන් පොලීසිය විසින් එල්ල කරන චෝදනා තරයේ ප්රතික්ෂේප කරන බවය.
සිද්ධියට අදාළ වැඩිදුර මහේස්ත්රාත්
පරීක්ෂණය ලබන 03 වැනිදා යළි කැඳවීමට නියමිතය.