අරලගන්විල, සිරිපුර යන පොලිස් ස්ථානවල පොලිස් නිලධාරීන් හා යුද හමුදාව එකාබද්ධව දම්මින්න කන්දේගම යන ප්‍රදේශවල කරන ලද හදිසි මෙහෙයුමකදී වරෙන්තුකරුවන් 6ක් ඇතුළු පුද්ගලයන් 30 දෙනෙක් අත්අඩංගුවට ගෙන ඇත.
වැඩබලන පොලිස්පති ප්‍රියන්ත වීරසූරිය මහතාගේ නව මෙහෙයුම් වැඩපිළිවෙළ යටතේ පොලොන්නරුව ජ්‍යෙෂ්ඨ පොලිස් අධිකාරි නිශාන්ද සිල්වා, සහකාර පොලිස් අධිකාරි එම්.එස්.එම්.කේ. ජරුල් යන මහත්වරුන්ගේ උපදෙස් පරිදි අරලගන්විල පොලීසියේ ස්ථානාධිපති ප්‍රධාන පොලිස් පරීක්ෂක ආර්.එම්.එස්.සී. රත්නායක, සිරිපුර පොලීසියේ ස්ථානාධිපති ප්‍රධාන පොලිස් පරීක්ෂක
ජී.ආර්.ඩී. මෙත්තසූරිය යන මහත්වරුන් ඇතුළු පොලිස් නිලධාරීන් සමඟ යුද හමුදාව එකාබද්ධ කරන ලද මෙම මෙහෙයුම සඳහා නිලධාරීන් 55 දෙනෙක් සහභාගී වූ බව අරලගන්විල පොලීසියේ නිලධාරීයකු සඳහන් කළේය.
මෙම මෙහෙයුමේදී විවිධ චෝදනා යටතේ අධිකරණවල විභාගවන නඩුවලට පෙනී සිටින පුද්ගලයන් 6 දෙනෙක්, බීමත්ව රිය පැදවූ පුද්ගලයන් 4 දෙනෙක්,
නිති විරෝධී මත්පැන් ජාවාරමට සම්බන්ධයෙන් පුද්ගලයන් 4 දෙනෙක් සහ රථ වාහන නඩු සඳහා පුද්ගලයන් 20 දෙනෙක් අත්අඩංගුවට ගත් බවද අරලගන්විල පොලීසියේ ස්ථානාධිපති ප්‍රධාන පොලිස් පරීක්ෂක රත්නායක මහතා පැවසීය.
අත්අඩංගුවට ගත් වරෙන්තුකරුවන් 6 දෙනා පොලොන්නරුව මහේස්ත්‍රාත් අධිකරණ වෙත ඉදිරිපත් කරන ලදි.
