පාකිස්තානයේ ප්‍රාන්ත දෙකක සිදුවූ මරාගෙන මැරෙන බෝම්බ ප්‍රහාරමාලාවකින් හමුදා සෙබළුන් 13 දෙනකු ජීවිතක්ෂයට පත්වී ඇතැයි ද, තවත් සෙබළුන් 34 දෙනකු තුවාල ලබා ඇතැයි ද විදෙස් මාධ්‍ය වාර්තා කරයි. බලුකිස්තානයේ කලාට් දිස්ත්‍රික්කයේ හමුදා රථපෙළකට පසුගිය සඳුදා එල්ල වු මරාගෙන මැරෙන බෝම්බ ප්‍රහාරයකින් හමුදා සාමාජිකයකු මියගිය බවත්, ඊට පසුදින කයිබර් පක්ටුන්ක්වා ප්‍රාන්තයේ හමුදා කඳවුරක් ඉලක්ක කරමින් සිදුවූ මරාගෙන මැරෙන බෝම්බ ප්‍රහාර දෙකකින් හමුදා සාමාජිකයන් 12 දෙනකු මියගිය බවත් විදෙස් මාධ්‍ය වැඩිදුරටත් වාර්තා කරයි. බලුකිස්තානයේ සිදුවූ බෝම්බ ප්‍රහාරය කාන්තාවක් විසින් සිදු කළ බවට තහවුරු වී ඇති අතර, ඊයේ වනවිටත් කිසිදු පාර්ශ්වයක් එහි වගකීම බාර ගෙන නැති බව ප්‍රාන්ත පොලිසිය ප්‍රකාශ කර තිබේ. කයිබර් පක්ටුන්ක්වා ප්‍රාන්තයේ සිදුවූ ප්‍රහාරවල වගකීම පාකිස්තාන තලේබාන් සංවිධානයට සම්බන්ධ සන්නද්ධ කණ්ඩායමක් විසින් බාරගෙන ඇතැයි ද වාර්තා වේ.
