ඉදිරියේදී පැවැත්වීමට යෝජිත පළාත් පාලන මැතිවරණයේදී මේ වනවිට කොළඹ මහනගර සභාවේ අපේක්ෂක අපේක්ෂිකාවන් කිහිප දෙනෙකු පුරපති ධුරයට තරග කිරීමට අපේක්ෂාවෙන් සිටින බව කොළඹ මහ නගර සභාවේ දේශපාලන ආරංචිමාර්ග සඳහන් කරයි.
පොදුජන එක්සත් පෙරමුණින් හිටපු නාගරික මන්ත්‍රිනි දීපා එදිරිසිංහ මහත්මිය ද, ශ්‍රී ලංකා පොදුජන පෙරමුණේන් හිටපු ඇමැතිවරයකු වන අරුන්දික ප්‍රනාන්දු මහතා ද, සමගි ජන බලවේගයෙන් හිටපු ඇමැතිවරයකු වන එරාන් වික්‍රමරත්න මහතා ද, ජාතික ජන බලවේගයෙන් කැලී බල්තසර් මහත්මියද, එක්සත් ජාතික පක්ෂයෙන් හිටපු නගරාධිපතිනි රෝසි සේනානායක මහත්මිය ද, සර්ව ජන බලය පක්ෂයෙන් එහි මාධ්‍ය ලේකම් හසන් අලාල්සින් මහතා ද පුරපති අපේක්ෂකත්වයට මෙවර තරග කරති.
මේ අතර පළාත් පාලන ඡන්දයට රුපියල් කෝටි 800 ක්, හෙවත් රුපියල් බිලියන 8ක් වියදම් වන බව මැතිවරණ කොමිසමේ සභාපති ආර්.එම්.එල් රත්නායක මහතා පවසයි. යෝජිත පළාත් පාලන ඡන්දයට, ජනපතිවරණයට වඩා ඡන්ද
දායකදායිකාවන් එක් ලක්ෂ පනස් පන්දහස් නවසිය හැත්තෑ හයක් (1,55,976) ඡන්දය ප්‍රකාශ කිරීමට සුදුසුකම් ලබා ඇති බව සඳහන් කරයි . පසුගිය කාලයේදී ජනාධිපතිවරණයට ඡන්ද ප්‍රකාශ කිරීමට සුදුසුකම් ලැබූ ඡන්ද දායකදායිකාවන්ගේ සංඛ්‍යාව වූයේ එක් කෝටි හැත්තෑ එක් ලක්ෂ හතළිස් දහස් තුන්සිය පනස් හතර (1,71,40,354) කි.
එහෙත් මෙවර පළාත් පාලන ඡන්දයට, ඡන්දය සඳහා එක්කෝටි හැත්ත දෙලක්ෂ අනූ හයදහස් තුන්සිය තිහක් (1, 72, 96, 330) සුදුසුකම් ලැබූහ.
