කුරුණෑගල ශික්ෂණ රෝහලේ මෘත ශරීරාගාර පරිශ්‍රයේ තිබෙන විශාල නුග ගසෙහි මූල පද්ධතිය පොළව යටින් දසත පුරා ඇදී යාමෙන් වැසිකිළි සඳහා වතුර ගෙන යන ජල නළ පද්ධති සම්පූර්ණයෙන්ම මුල් හිරවී ඇන හිට තිබේ. මෙම තත්ත්වය වසර දෙකක පමණ සිට පවතින ගැටලුවක් වන
ජල නළ හිරවීමෙන්
වැසිකිළි වසා දමා ඇති අයුරු
අතර, මේ නිසා එහි මරණ පරීක්ෂණ සිදු කිරීමට එන අධිකරණ වෛද්‍ය නිලධාරි, හදිසි මරණ පරීක්ෂක ඇතුළු එම කාර්යාලයන්හි සේවය කරන කාර්ය මණ්ඩලය මෙන්ම, මෘත ශරීරාගාරයේ සේවක පිරිස් ද වැසිකිළි කැසිකිළි පහසුකම් නොමැතිව දැඩි අපහසුතාවයට පත්ව සිටිති. එමෙන්ම පරීක්ෂණ කටයුතු සඳහා පැමිණෙන පොලිස් නිලධාරීන්, මල් ශාලා රථ රියැදුරන්, මිය ගිය අයගේ මෘත දේහයන් භාර ගැනීමට එන පිටස්තරයින් පීඩාවට පත්ව සිටිති. මෙලෙස නැඟෙන චෝදනා සම්බන්ධව කුරුණෑගල ශික්ෂණ රෝහලේ රෝහල් සේවා අධ්‍යක්ෂිකා මිහිරි ප්‍රියංගනී මහත්මියගෙන් කළ විමසීමකදී ඒ මහත්මිය මෙසේ කීවේය.
“රූස්ස ගසක මූල පද්ධතිය නිසා වැසිකිළි පද්ධතින් හිර වෙලා. ඒ වගේම ගසේ දිරපු අතු පවා උඩ රැඳිලා තියෙනවා. ඒ නිසා ගස කපා ඉවත් කරන්නට දැව සංස්ථාවට භාර දී තිබෙනවා. ගස ඉවත් කළාට පසුව ටෙන්ඩර් කැඳවලා වැසිකිළි පද්ධතිය අලුතින් හදන්නට ද පියවර ගන්නවා.”
