දෙහිවල පිහිටි Tree House International වසරේ විශිෂ්ටම හා සාක්ෂි මත පදනම් වූ විශේෂ අවශ්‍යතා ජාත්‍යන්තර පාසල ලෙස BWIO සම්මාන ලැබුවේය. ශ්‍රී ලංකාවේ විශේෂ අවශ්‍යතා සහිත දරුවන් සඳහා වෙන් වූ එකම ජාත්‍යන්තර පාසල වන
එහි අධ්‍යාපනය ලබන සිසුන්ගෙන් 75%ක් පමණ විදේශ රටවල සිට මෙරටට පැමිණ ඇත. උසස් ප්‍රමිතියේ සහ ප්‍රතිපල මත පදනම් වූ අධ්‍යාපනයක් ලැබිය හැකි වීම ඊට හේතුවයි. පසුගිය වාරයේදී එහි අධ්‍යාපනය ලැබූ සිසුන්ගෙන් 100%ක්ම ප්‍රධාන ධාරාවේ අධ්‍යාපන අවස්ථා හෝ වෘත්තීය පුහුණු අවස්ථා සඳහා යොමු විය.
වසර 20කට වැඩි ගෝලීය අත්දැකීම් සහිත වරලත් චර්යාත්මක මනෝ විද්‍යාඥයෙකු වන ආචාර්ය ඇන්ටන් ජේම්ස් විසින් මෙම පාසල මෙහෙයවනු ලබයි. ඔහු හඳුන්වා දී ඇති සාක්ෂි පදනම් කර ගත් ක්‍රමවේදය බ්‍රිතාන්‍ය මනෝ විද්‍යා සංගමය පිරිනමන ඉහළම ගෞරවයද ලබා ඇත. ඔහු වරලත් විද්‍යාඥයෙකු ලෙසද තේරී පත් වී ඇත. විශේෂ අවශ්‍යතා පිළිබඳ වසර 15කට වැඩි අත්දැකීම් සහිත විශේෂඥයෙකු වන ක්‍රිස්ටල් හොන්සේකර් පාසලේ සම අධ්‍යක්ෂ ලෙස කටයුතු කරයි. GCSE සඳහා විකල්පයක් ලෙස පිළිගත් බ්‍රිතාන්‍ය විෂය නිර්දේශයක් යටතේ ඉගැන්වීම් කටයුතු සිදු කෙරේ.
