ගලේවෙල, මකුළුගස්වැව ප්‍රදේශයේ පියකු සහ පුතකු අතර ඇති වූ ගැටුමක් අතරතුර පුතා විසින් එල්ල කළ යකඩ පොලු පහරකින් පියා මියයාමේ සිද්ධියක් වාර්තා වී ඇතැයි මකුළුගස්වැව පොලීසිය කියයි.
මෙම ඝාතනය සැඟවීම සඳහා රාත්‍රියේ සිට උදෑසන දක්වා පුතා සැලසුම් සකස් කර ඇති අතර, අසල්වැසි කාන්තාවකගෙන් ඊට උදව් ඉල්ලා ඇතැයි ද පොලීසිය පවසයි.
පියා බිම ඇදවැටී මරණයට පත් වූ බව පෙන්වීමට අසල්වැසි ඥාතීන්ගේ උදව් ඉල්ලීමේ දී එම ඥාතීන් ඊට විරුද්ධ වී සිද්ධියට සම්බන්ධයෙන් නීතිමය පියවර ගෙන තිබේ.
මෙසේ මියගොස් ඇත්තේ ගලේවෙල, මකුළුගස්වැව, හතරේ කණුව ප්‍රදේශයේ පදිංචි සමන් ප්‍රියන්ත පනස් තුන් හැවිරිදි දෙදරු පි‍ෙයකි.
මෙම නි‍ෙවසේ මියගිය පුද්ගලයාගේ බිරිය සහ පහර දුන් බව කියන පුතා ජීවත්ව සිටි බව මකුළුගස්වැව පොලීසිය කියයි.
නිතර නිතර මත්පැන් පානය කොට මෙම පියා සහ පුතා අතර ගැටුම් ආරවුල් හටගෙන අවස්ථා ගණනාවකදී පොලීසිය සමථයකට පත් කොට තිබෙන බව ද මකුළුගස්වැව පොලීසිය කියයි.
ඒ අනුව මෙම දෙදෙනා ඉකුත් 05 වැනි දින රාත්‍රියේ ගැටුමක් ඇති කරගෙන තිබෙන බවත් පසුව නි‍ෙවසේ තිබුණු යකඩ මුගුරකින් පියාට පහරක් එල්ල කොට කාමරයට දමා ඇතැයි පොලීසිය කියයි.
පසු දිනක මෙම පුද්ගලයා මියගොස් ඇති බව පොලීසියට දැනගන්නට ලැබී ඇත්තේ ප්‍රදේශවාසීන්ගෙනි. මෙම නි‍ෙවසේ සිටි මව සහ පහර දුන් බව කියන පුතා අසල්වැසි ඥාතී නි‍ෙවසකට ගොස් තමන්ට හිරේ යෑමට සිදුවන බවත් පියාට රාත්‍රියේ පහරදී ඝාතනය වූ බව ප්‍රකාශ කරමින් තම පියා ඇදවැටී මැරුණු බව ප්‍රකාශ කරන්නැයි ඔවුන් ඥාතීන්ගෙන් ඉල්ලා ඇත, කෙසේ වෙතත් ඊට විරෝධය ප්‍රකාශ කර සිද්ධිය සම්බන්ධයෙන් පොලීසියට දැනුම්වත් කර තිබේ.
මළ සිරුර ඔහු විසූ නි‍ෙවසේ කාමරයක දමා තිබුණු අතර සහකාර පොලිස් අධිකාරිවරයා ඇතුළු පොලිස් කණ්ඩායමක් මේවන විට ස්ථාන පරීක්ෂණය සිදුකරමින් සිටිති.
පියා ඝාතනය කළ බවට සැක කරන පුතා අත්අඩංගුවට ගත් බව මකුළුගස්වැව පොලීසිය සඳහන් කර සිටියි. සිද්ධිය සම්බන්ධයෙන් පොලීසිය වැඩිදුර පරීක්ෂණ පවත්වයි.
