අලුත්ගම, කළුවාමෝදර, ප්‍රවේණි පත්තිනි දේවාලය බිඳ එහි දේපොළ සොරාගෙන යාමේ සිද්ධියක් සම්බන්ධයෙන් අලුත්ගම පොලීසිය විමර්ශන පවත්වයි.
අලුත්ගම, වෙලේ පන්සල පාරේ පදිංචි දේවාලයේ භාරකරු වන සමෘද්ධි සංවර්ධන නිලධාරි වෙඩික්කාර සුදේෂ් දේවප්‍රිය ද සිල්වා (52) යන අය විසින් පොලීසියට කරන ලද පැමිණිල්ල අනුව මේ පිළිබඳ පරීක්ෂණ ආරම්භ කර තිබේ.
දේවාලයේ විදුලි පහන් දල්වන අසල්වැසි කාන්තාවක වන රේණුකා යන අය කළ දැනුම් දීම මත ගොස් කළ පරීක්ෂාවේදී ප්‍රධාන දොරේ අගුළු කඩා ඇතුළු වූ කිසියම් අයකු රුපියල් පනස් පන්දහසක් වටිනා කුකුළා සහිත පිත්තල පහන සහ තවත් පිත්තල පහනක කුකුළා සහිත කොටස ද, කතරගම හා පත්තිනි දේවාලවල කැටවල තිබූ මුදල් ද සොරාගෙන ගොස් තිබූ බව ඔහු පොලීසියට කර තිබූ පැමිණිල්ලේ සඳහන් වේ. අලුත්ගම පොලිස් ස්ථානාධිපති ප්‍රධාන පොලිස් පරීක්ෂක ආර්.කේ. රත්නසිංහම් මහතාගේ මෙහෙයවීම මත මේ පිළිබඳව වැඩිදුර පරීක්ෂණ පවත්වයි.
