ආසියානු යොවුන් බොක්සිං තරගාවලියට සුදුසුකම් ලබා ගැනීමට කිරිබත්ගොඩ විහාරමහාදේවි බාලිකා විද්‍යාලයේ හිරුණි ප්‍රනාන්දු සමත් වූවාය.
12 වැනි ශ්‍රේණියේ අධ්‍යාපනය ලබන 17 හැවිරිදි හිරුණි ප්‍රනාන්දු මේ මස 10 වැනිදා සිට 23 වැනිදා කොළඹ සුගතදාස ගෘහස්ථ ක්‍රීඩාගාරයේදී පැවැත්වෙන තරගාවලියේදී කිලෝග්‍රෑම් 54 බර පන්තිය තරග වැදීමට නියමිතය.
විදුහල්පති දමයන්ති මහාලක්ෂ මහත්මියගේ උපදෙස් මත නියෝජ්‍ය විදුහල්පති අජිත් අත්තනායක, ක්‍රීඩා උපදේශක රශ්මි ඉලංගකෝන් හා බොක්සිං ක්‍රීඩා භාර ආචාරිනී තුෂාරා සෙව්වන්දි යන මහත්ම මහත්මීන්ගේ මඟපෙන්වීම යටතේ හිරුණි ප්‍රනාන්දු බොක්සිං ක්‍රීඩාවේ නිරතව සිටියි.
මේ අතර එම විද්‍යාලයේ ක්‍රීඩා උපදේශිකාව ලෙස කටයුතු කරන රශ්මි ඉලංගකෝන් මෙණෙවිය ආසියානු යොවුන් තරගාවලියට ජාතික පුහුණුකාරිනියක් ලෙස තේරී පත්ව සිටීම ද විශේෂත්වයකි.
