ශ්‍රී ලංකා ගුවන් හමුදාවට අයත් බෙල් 212 වර්ගයේ හෙලිකොප්ටර් යානයක් අද (09) උදෑසන හදිසි ගොඩබෑමකදි මාදුරුඹය ජලාශයට කඩාවැටීමෙන් ජිවිතක්ෂයට පත් ගුවන් හමුදා සාමාජිකයන් දෙදෙනා වන්නේ ශ්‍රී ලංකා ගුවන් හමුදා හිගුරක්ගොඩ මුලික කදවුරේ අංක 07 හෙලිකොප්ටර් බලඝණයට අනුයුක්තව රාජකාරි කරනු ලැබු බලපංති සැරයන් සනත් උදයකුමාර හා කෝප්‍රල් මධුරංග මෙත්රුවන් යන අයයි.
බලපංති සැරයන් සනත් උදයකුමාර 2004 වර්ෂයේ දී ශ්‍රී ලංකා ගුවන් හමුදාවේ මෙහෙයුම් භූමි වෘත්තීය සදහා එක්වි ඇති අතර ඔහු දරුවන් දෙදෙනෙකුගේ ආදරණීය පියෙක් වන අතර ඔහු දෙහි බැද්ද අමුණු පුල්ල වැලිමඩ ප්‍රදේශයේ පදිංචිව සිට ඇත.
එම අනතුරෙන් ජීවිතක්ෂයට පත් අනෙක් ගුවන් හමුදා සාමාජිකයා වන කෝප්‍රල් මධුරංග මෙත්රුවන් අවිවාහක වන අතර ඔහුගේ පියා මියගොස් ඇති අතර තම මව හා වැඩිමහල් සහෝදරයා සමග සෙවනගම මහල්පොත බණ්ඩාරවෙල ප්‍රදේශයේ පදිංචිව සිට ඇති අතර ඔහු බණ්ඩාරවෙල මධ්‍ය මහා විද්‍යාලයෙන් අධ්‍යාපනය ලබා 2009 වර්ෂයේ දී ශ්‍රී ලංකා ගුවන් හමුදාවේ මෙහෙයුම් භූමි වෘත්තීය සදහා එක්ව තිබේ.
මොවුන් දෙදෙනාගේ අවසන් කටයුතු පුර්ණ ගුවන් හමුදා අචාර ගෞරව සහිත සිදුකිරිමට නියමිත ඇත.
