අක්කර පහ
ශ්‍රී ලාංකේය නවකතා සාහිත්‍යය තුළ දේශජ ගුණ සුවඳින් යුතු නවකතාවක් ලෙස අක්කර පහට හිමිවන්නේ අද්විතීය ස්ථානයකි. අඩසියවසක් පුරා පාඨක චිචාරක අවධානය මැනවින් ග්‍රහණය කර ගත් මෙම නවකතාව විවිධ විභාග පරීක්ෂණ සඳහා නිර්දේශ වී ඇති අතර සිනමා සිත්තමට ද නැඟුණු අපූරු ගද්‍ය කාව්‍යයකි.
කර්තෘ – මඩවල එස්. රත්නායක
ප්‍රකාශනය – සීමාසහිත ඇම්. ඩී. ගුණසේන සහ සමාගම
මිල – 900 = කි.
රතු රෝස මල
කෙටි කතා සංග්‍රහයකි. රතු රෝස මල, ගුරුවරයා, දාවිත් අයියා, බයිසිකලය, මාමාගේ ඉඩම, සෝමා, අව්ව ආදී වශයෙන් මෙහි කෙටි කතා 15ක් ඇතුළත්ය. අනුගත සම්මත කෙටිකතා රීතියෙහි ගැමි සමාජ ජීවිතයෙන් උකහා ගන්නා ලද ජීවිත අත්දැකීම් මොනවට මෙහි ඔප මට්ටම් කොට දක්වා ඇත.
කර්තෘ – ගුණදාස අමරසේකර
ප්‍රකාශනය – සීමාසහිත ඇම්. ඩී. ගුණසේන සහ සමාගම
මිල – 700 = කි.
හව්හරණ
නවකතාවකි. 1940 සිට දශක තුනක් සිය නෑ කෝරළේ ජන ජීවිතය ගොඩනැංවූ පරම්පරා දෙකක කතාන්දරයයි. නිදහසින් පසු ජන සමාජයේ ඇති වූ යම්යම් වෙනස්කම් තුළින් ගමත් එහි ජනයාගේ ජීවිතත් වෙනස් වූ ආකාරය, ජනතාවගේ සිතුම් පැතුම් හා ආකල්පවලට වූ පරිවර්තනය පිළිබඳ රචකයාගේ සිත තුළ උපන් අදහසක ප්‍රතිඵලය ‘හව්හරණ’ නවකතාවයි.
කර්තෘ – දයානන්ද තිරිමාන්න
ප්‍රකාශනය – මින්සර ප්‍රකාශන
මිල – 999 = කි.
සිංහලෙන් හා ඉංග්‍රීසියෙන් ඉතාලි භාෂාව
ඉතාලි හෝඩිය සහ අකුරු ශබ්ද කිරීම, ඉලක්කම් සහ දින, වර්ණ, වෘත්තීන්, නෑදෑකම්, ශරීරය, නිවස, ලෙඩරෝග, ආහාර පාන යනාදිය ගැන ඉතාලි බස සමඟ සිංහලෙන් දක්වා ඇත. ඉතාලියට සංක්‍රමණය වීමට අපේක්ෂා කරන අයට ඉතා කෙටි කාලයකින් ඉතාලි භාෂාව පිළිබඳ නිරවුල් අවබෝධයක් ලැබීමට උපකාරී වේ.
සංස්කරණය – සිල්වෙස්ටර් ජයකොඩි
පී. ඇම්. සේනාරත්න
ප්‍රකාශනය – සීමාසහිත ඇම්. ඩී. ගුණසේන සහ සමාගම
මිල – 750 = කි.
