කොත්මලේ රම්බොඩ ගැරඬිඇල්ල ප්‍රදේශයේදි ඉකුත් 11 වන දින සිදු වු බස්රථ අනතුරින් බරපතල ලෙස තුවාල ලබා ගම්පොළ ශික්ෂණ රෝහලේ දැඩි සත්කාර ඒකකයේ ප්රතිකාර ලබමින් සිටි තරුණයකු ඊයේ (14) දින මිය ගිය ගොස් ඇත.
ඒ අනුව මෙම අනතුරින් මියගිය ගණන 23 දක්වා ඉහළ ගොස් තිබේ.
මෙසේ මිය ගොස් ඇත්තේ තිස්සමහාරාම ප්‍රදේශයේ පදිංචි වයස අවුරුදු 21 ක් වූ ඕමල්පගේ දිනෙත් ප්‍රසන්න නමැති තරුණයකු බව කොත්මලේ පොලීසිය කියයි.
ගම්පොළ ශික්ෂණ රෝහලට ඇතුළත් කොට දැඩිසත්කාර ඒකකයේ ප්රතිකාර ලබමින් සිටි මෙම සිසුවාගේ මොලේ අක්‍රියව ප්රතිකාර ලබමින් සිටියදී මෙසේ ඊයේ (14) මියගොස් ඇත.
මේ අතර අනතුරට ලක්වූයේ බස් රථයේ කාර්මික දෝෂයක් හේතුවෙන්දැයි සොයා රජයේ රස පරීක්ෂණ දෙපාර්තමේන්තුවේ නිලධාරින් සහ මෝටර් රථ පරීක්ෂකවරයා ඊයේ (14) සිය විමර්ශන කටයුතු ආරම්භ කරනු ලැබීය.
කොත්මලේ පොලිස් ස්ථානයේ ඇති අනතුරට ලක්වූ බස් රථය එම නිලධාරීන් විසින් ඊයේ දැඩි සෝදිසියකට ලක්කරමින් විද්‍යාත්මක විමර්ශනයක නිරතවූ බව පොලීසිය සඳහන් කළේය.
