7
කෑගල්ල වෑවලදෙණිය විහාරස්ථානයේ විහාරාධිපති පහත බුලත්ගම කෝරළ තුන ඇතුළු සතර කෝරළේ මහ දිසාවේ ප්‍රධාන සංඝනායක හෙම්මාතගම සිද්ධාර්ථ නාහිමිපාණන් වහන්සේගේ මූලිකත්වයෙන් 84 වැනි පොසොන් මහ පෙරහර ජුනි මස 20 වන දින පැවැත්වේ.
පොසොන් පෙරහර සංවිධාන කිරීමට අදාළ කමිටුව පරිසර අමාත්‍ය දම්මික පටබැඳි මහතාගේ ප්‍රධානත්වයෙන් කැඳවන ලදී.
එම අවස්ථාවට පාර්ලිමේන්තු මන්ත්‍රී නීතිඥ සාගරිකා අතාවුද, කෑගල්ල නගරාධිපති නිමල් කරුණාරත්න, කෑගල්ල ප්‍රාදේශීය සභා සභාපති සරත් රණසිංහ, කෑගල්ල දිස්ත්‍රික් ලේකම්, විහාරස්ථ දායක සභාවේ නිලධාරී මහත්ම මහත්මීන්, රාජ්‍ය නිලධාරීන්, නියෝජ්‍ය පොලිස්පතිවරයා ඇතුළු පොලිස් නිලධාරීන්, වෙළෙඳ සංගම්වල නියෝජිතයන්, අභිනවයෙන් තේරී පත්වූ පළාත් පාලන ආයතන මන්ත්‍රීවරුන් ඇතුළු පිරිසක් සම්බන්ධ වූහ.
