4
ගලේවෙල ප්‍රදේශය හරහා පසුගිය 09 වැනිදා පස්වරුවේ ධාරානිපාත වර්ෂාවත් සමඟ හමාගිය දැඩි සුළඟකින් නිවාස 08ක වහලවලට හානි සිදුවී ඇති බව ප්‍රාදේශීය ලේකම් කාර්යාලයේ ආපදා අංශය පවසයි. ඊට අමතරව කොස් පොල් හා කොට්ට වැනි ගස්ද ඉදිරී වැටී ඇති බව වාර්තාවේ. කෙසේ වෙතත් ජීවිත හානි හෝ කිසිවෙකුට තුවාල සිදුවී නැති බව ආපදා කළමනාකරණ අංශය පවසයි. මෙසේ හානි සිදුවී ඇත්තේ මැදබැද්ද, වේරගලවත්ත, යටිවැහැර, පුංචි රම්බඩගල්ල, කොස්ගහහින්න, රාළලාරොටවැව යන ගම්වල පිහිටි නිවාස හා ගස්කොළන්වලටය. මෙම අලාභහානි සිදුවීම සම්බණ්ධයෙන් වටිනාකම් තක්සේරුවක් සිදුකර නොමැති බවත් ඉදිරියේදී ඒ සම්බන්ධයෙන් සුදුසු පියවර ගන්නා බව ආපදා කළමනාකරණ අංශය පවසයි.
