46
වෙසක් පොහොය නිමිත්තෙන් රටපුරා විවිධ දන්සල් සංවිධානය වෙද්දී ඉංගිරිය ප්‍රාදේශීය ලේකම් කොට්ඨාසයට අයත් නිමලගම ගම්මානයෙන් අපූරු දන්සලක් වාර්තා විණි. එනම්, නිමලගම – හොරණ පුද්ගලික බස් රථය සම්පූර්ණ දිනයක් මුළුල්ලේ එහි සියලුම ගමන් වාර මහජනතාව වෙනුවෙන් නොමිලයේ ධාවනය කිරීමයි. එම්.ඒ.යූ. ජයමිණ සහ කීර්ති උඩවත්ත දෙපොළ විසින් සිදු කළ මෙම සද්කාර්යය මෙලෙස ඔවුන් විසින් සිදු කරනු ලැබූයේ දෙවන වරට වන අතර, එළඹෙන පොසොන් පොහොයට සමගාමීවද මෙම කාර්යය තෙවන වරටත් සිදු කිරීමට බලාපොරොත්තු වන බව ඔවුහු පවසා සිටියහ.
