174
ඇතිමලේ පොලිසිය මඟින් කැබිලිත්ත ප්රදේශයේ පවත්වාගෙන යන කිරි ගවගාල්වල වාඩි දෙකක තිබී තුවක්කු හතරක් සමඟ සැකකරුවන් දෙදෙනෙකු පෙරේදා (21) අත්අඩංගුවට ගෙන ඇත. එක් වාඩියක තිබී බෙහෙත් කොටන තුවක්කු දෙකක් සමඟ කොටියාගල ප්රදේශයේ පදිංචි 27 හැවිරිදි තරුණයෙකු ද අනෙක් වාඩියේ තිබී බෙහෙත්කොටන තුවක්කුවක් සහ බඳින තුවක්කුවක් සමඟ වත්තේගම අක්කර 50 ප්රදේශයේ පදිංචි 33 හැවිරිදි පුද්ගලයෙකු ද මෙලෙස අත්අඩංගුවට ගෙන තිබේ. සැකකරුවන් සහ නඩු භාණ්ඩ සියඹලාණ්ඩුව මහේස්ත්රාත් අධිකරණයට ඉදිරිපත් කිරීමට නියමිතව ඇත.
ඌව වෙල්ලස්ස විශේෂ - ඩී.එස්. ගුණතිලක