බඩඉරිඟු ඇතුළු ධාන්ය බීජ වියළීම සඳහා කෘෂි අංශ නවීකරණ ව්යාපෘතිය ශ්රී ලංකාවේ ප්රථම වතාවට හඳුන්වා දුන් සූර්ය බලශක්තියෙන් ක්රියාත්මක වන Solar Tunnel Dryer තාක්ෂණික ක්රමවේදය සාර්ථක වී ඇත. මෙම නව සොයා ගැනීම මුළුමනින්ම ශ්රී ලංකාව සතුවේ.
බඩඉරිඟු, වී, මුං ඇට, කව්පි, තල, කුරක්කන් හා උඳු ආදී බීජ සඳහා යොදාගන්නා ධාන්ය ආරක්ෂිතව වියළීම සඳහා මෙම බීජ වියළීමේ පද්ධතිය කෘෂිකර්ම හා වැවිලි කර්මාන්ත අමාත්යාංශය යටතේ ඇති කෘෂි අංශ නවීකරණ ව්යාපෘතිය මඟින් හඳුන්වා දී තිබිණි. ධාන්ය බීජ වියළීමේ මෙම නව පද්ධතිය වව්නියාව නෙලුක්කුලමේ දී පසුගියදා (23) කෘෂිකර්ම හා වැවිලි කර්මාන්ත ඇමැති මහින්ද අමරවීර මහතා විවෘත කරනු ලැබීය.
මෙම පද්ධතියේ ඇති විශේෂත්වය වන්නේ සමස්ත පද්ධතියම හිරු එළියෙන් ජනනය වන විදුලිබලයෙන් ක්රියාත්මක වීමයි. ඊට අමතරව මුළු ගබඩාවම වීදුරු ආවරණයකින් ආවරණය කර ඇති නිසා ස්වභාවික හිරුඑළිය මෙන්ම සූර්ය රශ්මියද අඛණ්ඩවම ලැබේ.
බුද්ධිකා ඉඹුලාන