බදුල්ල, මුත්තෙට්ටුව මාර්ගයේ ගමන් ගන්නා ශ්රී ලංගම හා පෞද්ගලික බස්රථ රියැදුරන් අතර ඊයේ (25) පස්වරුවේ ඇති වූ ගැටුමකින් බරපතළ තුවාල ලැබූ බදුල්ල ශ්රී ලංගම ඩිපෝවට අයත් රියැදුරු මහතකු සහ කොන්දොස්තරවරයකු ප්රතිකාර සඳහා බදුල්ල ශික්ෂණ රෝහලට ඇතුළත් කළ බව පොලිසිය පැවසීය.
එම මාර්ගයේ ගමන් ගන්නා බස්රථවල ධාවන කාලසටහන පිළිබඳව ඇතිවූ බහින්බස්වීමක් මෙම සිද්ධියට මුල්ව තිබේ. එම බහින්බස් වීම දුරදිග යෑමෙන් පසු පෞද්ගලික බස් රථයේ රියදුරු ලංගම රියැදුරු හා කොන්දොස්තරවරයාට පිහියකින් පහර දී ඇත. අනතුරුව බදුල්ල ඩිපෝවට අයත් බස් රියැදුරන් හා කොන්දොස්තරවරුන් ඇතුළු කාර්ය මණ්ඩලය එම සිදුවීමට අදාළ පෞද්ගලික බස් රථ රියැදුරුට පහර දී බස් රථයට ද අලාභහානි කරමින් එම ස්ථානයේ කළහකාරි ලෙස හැසිරුණු බවද පොලිසිය පවසයි.
සිද්ධිය සම්බන්ධයෙන් පෞද්ගලික බස් රථ රියැදුරු හා කොන්දොස්තරවරයා සමඟ බසය ද පොලිස් අත්අඩංගුවට ගෙන වැඩිදුරටත් විමර්ශන ආරම්භ කර තිබේ. මේ පිළිබඳව බදුල්ල මූලස්ථාන පොලිස් රථවාහන අංශය විසින් වැඩිදුරටත් විමර්ශන ක්රියාත්මක බවද පොලිසිය කියා සිටියේය.
බදුල්ල - නිශාන්ත අබේගුණවර්ධන, සොරණාතොට සමූහ - සී. ගමගේ